Amol Mitkari News: आज विधानपरिषदेत काँग्रेसचे नेते भाई जगताप यांनी संभाजी भिडे यांच्याबाबत प्रश्न उपस्थित केला. संभाजी भिडे यांनी महात्मा गांधी, महात्मा फुले आणि साईबाबा यांच्याबाबत वादग्रस्त विधान केले होते. यावेळी सभागृहात सत्तेत असलेले अजित पवार गटाचे आमदार अमोल मिटकरी देखील उपस्थित होते. त्यांनी आक्रमक होत संभाजी भिडे यांच्यावर कारवाईची मागणी केली.

संभाजी भिडे यांच्यावर देशद्रोहाचा गुन्हा दाखल करून अटक करण्यात यावी, अशी मागणी मिटकरी यांनी केली आहे.

अमोल मिटकरी म्हणाले, विधानपरिषदेत देवेंद्र फडणवीस बोलल्यानंतर मी आक्षेप घेतला. संभाजी भिडे यांना देवेंद्र फडणवीस यांनी गुरू मानलं असेल तर तो त्यांचा वैयक्तिक मुद्दा आहे. मात्र जिथे भिडे असतील तिथून त्याला लवकरात लवकर उचला. नुसता गुन्हा दाखल करून काहीही होणार नाही.

मिटकरी म्हणाले, सत्ता असणं आणि नसणं याचा काही सबंध नाही. महापुरुषांचा अपमान होणार असेल तर विरोध केलाच पाहिजे. भिडे यांची वक्तव्य जाणूनबुजून येत आहेत. त्यांना राजाश्रय देऊ नये. आम्ही सरकारमध्ये असलो तरी तत्वांशी तडजोड केली नाही.

भिडेंचे चालणे बोलणे म्हणजे डोक्यावर परिणाम झाला आहे. संभाजी भिडे यांच्यासारखी घाण, विकृती, कुविचारधारा हद्दपार झाली पाहिजे. नीच प्रवृत्तीच्या माणसाला देव मानू नये, असा टोला अमोल मिटकरी यांनी लगावला.

देवेंद्र फडणवीस यांनी भिडे यांना गुरु मानव, त्यांचे फोटो लावावे ते त्यांना लखलाभ. आमचे गुरु हे फुले शाहू आंबेडकरच. सरकारने भिडे नाही मनोहर कुलकर्णी यावर कारवाई करावी, अशी मागणी अमोल मिटकरी यांनी साम टिव्हीसोबत बोलताना केली