मुंबई : २०१७ मध्ये खासदार अमोल कोल्हे यांनी साकारलेले नथुराम गोडसे यांचे पात्र ही केवळ एक कलाकृती आहे. म्हणून खासदार कोल्हे साहेब नथुराम गोडसे यांच्या विचारांचे झाले असे होत नाही. प्रत्येक कलाकाराचा धर्म हा दिलेल्या भूमिकेत जिवंतपणा देणारा असतो, अशा शब्दांत राष्ट्रवादीचे आमदार अमोल मिटकरी (Amol Mitkari) यांनी अमोल कोल्हे यांचे समर्थन केले आहे. 'व्हाय आय किल्ड गांधी' हा चित्रपट प्रदर्शित होणार आहे. यात कोल्हे हे नथुराम गोडसे यांची भूमिका साकारत आहेत. यावरुन सध्या वाद सुरु झाला आहे.(Amol Mitkari Stand With Amol Kolhe Over Nathuram Godse Role In Why I Am Killed Gandhi Movie)

पुढे मिटकरी आपल्या ट्विटमध्ये म्हणतात, की आयुष्यभर 'रामभक्त' असणाऱ्या अरविंद त्रिवेदी यांनी रामायणात साकारलेल्या 'रावण' पात्राचे सर्वस्तरातून कौतुक करण्यात आले होते. रामभक्त असताना त्यांनी रावणाचे पात्र स्वीकारले कारण कुठल्याही कलाकाराचा धर्म हा कलाकृतीला जिवंतपणा देणारा असतो. (Mumbai)

यावर प्रमोद के यांनी प्रतिक्रिया दिली आहे. ते म्हणतात, मग शरद पोंक्षेला तुम्ही विरोध का करता? बाजारू विचारवंत या बद्दल बोलतील का? पैसे कमवण्यासाठी जो कलाकार, ज्यांनी गांधीजी यांची हत्या केली अशा गोडसेच समर्थन करणारा चित्रपटात काम करतो. ते निश्चित निषेधार्थ आहे. # बाजारू विचारवंत