नवी दिल्ली : मुंबईत मुख्यमंत्री उध्दव ठाकरे यांच्या मातोश्री बंगल्यासमोर हनुमान चालिसा पठण प्रकरणात चर्चेत आलेल्या अमरावतीच्या खासदार नवनीत राणा (Navneet Rana) यांना जीवे मारण्याची धमकी देण्यात आल्याची माहिती समोर आले आहे.

हनुमान चालिसा म्हटल्यावर तुम्हाला जीवे मारण्यात येईल, तुम्हाला महाराष्ट्रात घुसू देणार नाही. पुन्हा हनुमान चालिसा वाचली, तर तुमची हत्या करण्यात येईल, अशी धमकी एका अज्ञात व्यक्तीने फोनवरून दिल्याचे समोर आले आहे. या धमकीनंतर नवनीत राणा यांनी थेट पोलिस ठाण्यात धाव घेत तक्रार दाखल केली. या प्रकरणी नॉर्थ अव्हेन्यू पोलिस ठाण्यात तक्रार दाखल करण्यात आली आहे.