रोहिणी गोसावी : सकाळ वृत्तसेवा

मुंबई : माजी गृहमंत्री अनिल देशमुख (Anil Deshmukh) यांच्या मनी लॉन्डरींग (Money laundering) आणि पोलीस अधिकाऱ्यांच्या बदल्यांच्या प्रकरणात (Police job transfers) अकोल्याचे (Akola) पोलीस अधिक्षक जी श्रीधर (SP G shreedhar) यांना इडीनं समन्स (Enforcement Directorate summons) बजावलं आहे. या प्रकरणात उद्या त्यांची चौकशी करण्यात येणार आहे.

अनिल देशमुख गृहमंत्री असताना पोलीस अधिकाऱ्यांच्या बदल्यांमध्ये भ्रष्टाचार झाला होता, पैसे घेऊन अनेकांना पोस्टिंग दिल्याचा त्यांच्यावर आरोप आहे. या बदल्यांच्या संदर्भात राज्याच्या गुप्तचर विभागाच्या तत्कालीन प्रमुख रश्मी शुक्ला यांनी पोलीस अधिकाऱ्यांच्या बदल्यांमध्ये मोठ्या प्रमाणात पैशांची देवाण घेवाण करण्यात आल्याचा आरोप केला होता. त्याच अनुषंगानं जी श्रीधर यांची चौकशी करण्यात येणार आहे.