राज्यातील कृषी उत्पन्न बाजार समितीचे निकाल जाहीर झाले आहेत. बाजार समित्यांसाठी शुक्रवारी निवडणुक पार पडली होती. निवडणुकीचा शनिवारी निकाल जाहीर झाला आहे.

यात अनेकांना धक्का बसला यामध्ये सत्ताधारी पक्षातील आमदार, खासदार आणि मंत्र्यांचा समावेश आहे. तर शिवसेना-भाजपला शेतकऱ्यांनी नाकारल्याचे काहीसे चित्र पाहिला मिळत आहे.

अशात जळगाव कृषी उत्पन्न बाजार समितीच्या निवडणुकीत पालकमंत्री गुलाबराव पाटील यांच्या नेतृत्वाखालील पॅनलला धक्का बसला आहे. माजी मंत्री गुलाबराव देवकर यांच्या नेतृत्वाखालील महाविकास पॅनलने 11 जागावर आघाडी घेत बहुमताकडे वाटचाल केली आहे. तर मंत्री गुलाबराव पाटील यांच्या पॅनलला सहा जागा तर अपक्षाला एक जागा मिळाली आहे.

महाविकास आघाडीला तब्बल 11 जागा मिळत असून, शिवसेना शिंदे गट भाजपला सहा जागा मिळाल्या आहेत. तर एक अपक्ष निवडून आले आहेत. या ठिकाणी राष्ट्रवादीचे नेते गुलाबराव देवकर यांनी मंत्री गुलाबराव पाटील यांना धक्का दिला आहे.