आजपासून कर्नाटक विधानसभेचे हिवाळी अधिवेशन बेळगावात सुरू होत आहे. याच पार्श्वभूमीवर महाराष्ट्र एकीकरण समितीकडून बेळगावातील बव्हॅक्सीन मैदानावर आयोजित केलेल्या मेळाव्याला अचानक कर्नाटक पोलिसांनी परवानगी नाकारली आहे. काल रात्री या मेळाव्याला परवानगी देण्यात आली होती. त्यानंतर सकाळी ही परवानगी नकरची माहिती समोर आली आहे. त्याचबरोबर कर्नाटकात कलम 144 लागू करण्यात आले असून जमावबंदीचे आदेश देखील देण्यात आले आहे.

कर्नाटक महाराष्ट्र सीमावादावरील तणाव कमी करण्यासाठी केंद्रीय गृहमंत्री अमित शाह यांच्यासोबत बैठक घेतली. दोन्ही मुख्यमंत्र्यांनी यावेळी हजेरी लावली. यायच बैठकीत घेण्यात आलेल्या निर्णयाला कर्नाटक सरकारकडून पाठ दाखवण्यात आली आहे.

तर महाराष्ट्र एकीकरण समितीकडून आयोजित करणीय आलेल्या मेळाव्यासाठी स्टेजच्या उभारणीचे काम थांबवने त्यानंतर स्टेजही हटवण्यात आला आहे. काल या मेळाव्यास कर्नाटक पोलिसांकडून परवानगी देण्यात आली होती. मात्र आता अचानक काम थांबवण्यात आलं आहे. मध्यवर्ती महाराष्ट्र एकीकरण समितीतर्फे आयोजित करण्यात आलेला महामेळावा रोखण्यासाठी मेळावा होणाऱ्या परिसरात 144 कलम लागू करण्यात आले आहे. त्यामुळे प्रशासनाकडून दबावतंत्र सूरू झाल्याचे दिसून येत आहे.

कर्नाटक सरकारच्या अधिवेशनाला प्रत्युत्तर देण्यासाठी मध्यवर्ती समिती तर्फे महामंडळाच्या आयोजन करण्यात आले होते. मंडप उभारण्याचे काम पूर्ण करण्यात आले होते मात्र पोलिसांनी सकाळी अचानकपणे मेळाव्याच्या ठिकाणी 144 कलम लागू आहे अशी माहिती देत या परिसरात कार्यक्रत्याना येण्यास मज्जाव केला आहे. त्यामुळे कार्यकर्त्यातून संतप्त प्रतिक्रिया व्यक्त होऊ लागल्य आहेत.