मुंबई : माजी मुख्यमंत्री आणि काँग्रेसचे ज्येष्ठ नेते अशोक चव्हाण हे भाजपत प्रवेश करणार असल्याची चर्चा आहे. तत्पूर्वी त्यांनी विधानसभा अध्यक्ष राहुल नार्वेकर यांची भेट घेतली. यामुळं ते राजीनामा देणार असल्याची चर्चा देखील सुरु होती. पण त्यांनी उद्याप राजीनामा दिलेला नाही. मी पुन्हा येतो असं म्हणत अशोक चव्हाण निघून गेल्याचं सुत्रांकडून कळतं आहे. (ashok chavan meet rahul narvekar and left saying I will come again what exactly happened after meeting)

आज राहुल नार्वेकर यांचा वाढदिवस आहे. त्यामुळं अशोक चव्हाण यांनी वाढदिवसाच्या शुभेच्छा देण्यासाठी त्यांची भेट घेतली असल्याचं सांगितलं जात आहे. पण हे केवळ निमित्त असल्याचंही बोललं जात आहे, कारण त्यांनी आमदारकीचा राजीनामा देणार असल्याची चर्चा सुरु झाली आहे. (Latest Marathi News)

दरम्यान, सुत्रांच्या माहितीनुसार अशोक चव्हाण यांनी नार्वेकरांची भेट घेत राजीनाम्याची प्रक्रिया काय असेल याची माहिती घेतली आणि मी पुन्हा येतो असं सांगून ते निघून गेले. पण आता अशोक चव्हाणांचं काँग्रेस सदस्यत्वाचा राजीनामा दिल्याचं एकपत्र व्हायरल झालं आहे. तसेच त्यांच्या लेटरहेडवर विधानसभा सदस्य यापुढे पेनानं माजी असं लिहिलं आहे. त्यामुळं त्यांनी आमदारकीचा देखील राजीनामा दिल्याचीही चर्चा आहे. (Marathi Tajya Batmya)