maharashtra vidhansabha election dates esakal
महाराष्ट्र बातम्या

विधानसभेचा बिगुल ऑक्टोबरमध्ये, मतदान दिवाळीनंतर! मुख्य निवडणूक अधिकाऱ्यांनी बोलावली आज उपजिल्हाधिकाऱ्यांची तर उद्या जिल्हाधिकाऱ्यांसोबत बैठक; ‘या’ बाबींचा होणार आढावा

गुरुवारी सर्व जिल्ह्यांमधील उपजिल्हा निवडणूक अधिकाऱ्यांची मुंबईत मुख्य निवडणूक अधिकारी एस. चोकलिंगम यांनी बैठक बोलावली असून शुक्रवारी सर्व जिल्हाधिकाऱ्यांशी व्हिडिओ कॉन्फरन्सिंगद्वारे बैठक होईल. त्यामुळे ऑक्टोबरमध्ये आचारसंहिता जाहीर होऊन दिवाळीनंतर मतदान होईल, अशी शक्यता वरिष्ठ अधिकाऱ्यांनी वर्तविली आहे.

तात्या लांडगे

सोलापूर : निवडणुकीच्या दीड-दोन महिने अगोदर सर्व जिल्ह्यातील तयारीचा आढावा घेतला जातो. मतदार याद्या अंतिम झाल्या, ईव्हीएमची प्रथमस्तरीय तपासणी झाली, मतदान केंद्रे निश्चित झाली, सहायक निवडणूक अधिकाऱ्यांचे प्रशिक्षण झाले, निवडणुकीसाठी लागणाऱ्या कर्मचाऱ्यांची यादी तयार झाली. या पार्श्वभूमीवर आता उद्या (गुरुवारी) सर्व जिल्ह्यांमधील उपजिल्हा निवडणूक अधिकाऱ्यांची मुंबईत मुख्य निवडणूक अधिकारी एस. चोकलिंगम यांनी बैठक बोलावली असून शुक्रवारी (ता. १३) सर्व जिल्हाधिकाऱ्यांशी व्हिडिओ कॉन्फरन्सिंगद्वारे बैठक होईल. त्यामुळे ऑक्टोबरमध्ये आचारसंहिता जाहीर होऊन दिवाळीनंतर मतदान होईल, अशी शक्यता वरिष्ठ अधिकाऱ्यांनी वर्तविली आहे.

२०१९ मध्ये राज्यातील २८८ जागांसाठी एकाचवेळी २१ ऑक्टोबर रोजी मतदान पार पडले होते. त्यानंतर २४ ऑक्टोबरला निकाल जाहीर झाला. परंतु, राजकीय नाट्यमय घडामोडींमुळे सत्ता स्थापन करण्यासाठी २३ नोव्हेंबरची पहाट उजाडली. तोवर राज्यात राष्ट्रपती राजवट होती. पहाटेच्या शपथविधीनंतर ते सरकार कोसळले आणि पुन्हा नवीन समिकरणांची जुळणी करून महाविकास आघाडीचे सरकार राज्यात बसले.

दरम्यान, आता २३ नोव्हेंबरपूर्वी सरकार स्थापन न झाल्यास राज्यात पुन्हा राष्ट्रपती राजवट लागू शकते. ही बाब महायुती सरकारला परवडणारी नाही. आता ज्येष्ठ नागरिकांसाठी मुख्यमंत्री वयोश्री योजना, महिलांसाठी लाडकी बहीण योजना, युवकांसाठी मुख्यमंत्री युवा कार्य प्रशिक्षण योजना, वृद्धांसाठी मुख्यमंत्री तीर्थ दर्शन योजना याशिवाय मुलींना मोफत उच्चशिक्षण, अशा योजनांमधून राज्य सरकारने सर्वच घटकांना खुश करण्याचा प्रयत्न केला आहे. निवडणूक वेळेत झाल्यास आपल्यालाच लाभ होईल, असा विश्वास सत्तेतील काही घटकांना आहे. दुसरीकडे मागील दोन-तीन निवडणुका हरियाणासोबत झाल्या, पण आता निवडणूक लांबणीवर पडल्याने सरकारवर टीका होवू लागली आहे. या पार्श्वभूमीवर २३ नोव्हेंबरपूर्वी निवडणूक घेण्यासाठी हालचालींना वेग आला आहे.

‘या’ बाबींचा होणार आढावा

  • मतदान केंद्रे निश्चिती व अंतिम मतदार यादी

  • ईव्हीएमची संख्या, प्रथमस्तरीय चाचणी

  • उपलब्ध पोलिस बंदोबस्त

  • निवडणूक कामासाठी लागणाऱ्या कर्मचाऱ्यांची यादी

  • मतदान साहित्य व मतमोजणीची तयारी

आज मुंबईत आढावा बैठक

निवडणुकीपूर्वी साधारणत: दीड-दोन महिने अगोदर तयारीचा आढावा घेतला जातो. ईव्हीएमसह अंतिम मतदार यादी, निवडणूक कर्मचारी, पोलिस बंदोबस्त अशा विविध बाबींचा आढावा होतो. उद्या (गुरुवारी) मुख्य निवडणूक अधिकाऱ्यांच्या प्रमुख उपस्थितीत सर्वच उपजिल्हाधिकाऱ्यांची (निवडणूक) बैठक बोलावण्यात आली आहे.

- गणेश निऱ्हाळी, उपजिल्हा निवडणूक अधिकारी, सोलापूर

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Bihar NDA Latest Update : बिहारमध्ये निवडणुकीआधीच ‘NDA’त खेला! नितीश कुमारांनी चिराग पासवान यांच्या जागांवर दिले उमेदवार

Mohammad Shami: 'मी जर रणजी खेळू शकतो, तर वनडे का नाही?' ऑस्ट्रेलिया दौऱ्यातून वगळल्यानंतर शमीचा थेट प्रश्न

Bomb Threat: मुख्यमंत्री, उपमुख्यमंत्र्यांना ई-मेलद्वारे बॉम्बस्फोटाची धमकी; तमिळनाडू कनेक्शन?

Maharashtra Politics : विजय वडेट्टीवारांचा आरोप; सत्ताधारी महायुती निवडणुका पुढे ढकलण्याच्या प्रयत्नात; अजित पवारांच्या पक्षाची धर्मनिरपेक्षता खोटी

क्रिकेटला वेस्ट इंडिजची नव्हे, जगाला त्यांची गरज...; गौतम गंभीर स्ट्रेट टू हार्ट, पाहुण्यांच्या ड्रेसिंग रूममधील Video

SCROLL FOR NEXT