Pune News : राष्ट्रवादी काँग्रेसचे आमदार रोहित पवार यांचे हडपसर भागातील असलेल्या जनसंपर्क कार्यालयाबाहेर सायकलीला आग लावण्याचा प्रयत्न करण्यात आल्याची घटना घडली समोर आली आहे. या प्रकरणी सुरक्षा रक्षकासह तीन जणांविरुद्ध गुन्हा दाखल करण्यात आला आहे. कार्यालयाजवळील सायकल आगीत जळाली आहे. सीसीटीव्हीमध्ये ही घटना कैद झाली आहे. (Latest Marathi News)

तीन जणांनी आग लावल्याचे सीसीटीव्हीमध्ये दिसून येत आहे. हडपसर पोलिसांकडून त्यांचा शोध सुरू आहे. हडपसर परिसरात आमदार रोहित पवार यांचे सृजन हाऊस इमारतीमध्ये जनसंपर्क कार्यालय आहे. या कार्यालयाच्या आवारात शनिवारी मध्यरात्री तिघांनी आग लावली. या घटनेत एक सायकल जळाली आहे.(Latest Marathi News)

तर रोहित पवार यांचे जनसंपर्क कार्यालयाला आग लावणाऱ्या या व्यक्ती कोण आहेत? त्यांनी कशामुळे आग लावण्याचा प्रयत्न केला याची उत्तरे सध्या तरी समोर आलेली नाहीत. हडपसर पोलीस या संपूर्ण प्रकरणाचा तपास करत आहेत.(Latest Marathi News)