शिवसेनेचे शिवसंपर्क अभियान २२ मार्चपासून सुरू होणार आहे. या पार्श्वभूमीवर मुख्यमंत्री उद्धव ठाकरे (Uddhav Thackeray) यांनी शिवसेनेचे खासदार आणि जिल्हाप्रमुखांशी आज संवाद साधला.यावेळी त्यांनी आपण लवकरच महाराष्ट्राच्या कानाकोपऱ्यात फिरणार असल्याचे स्पष्ट केले. त्यांच्या या विधानानंतर भाजपचे आमदार अतुल भातखळकर (Atul Bhatkhalkar) यांनी मुख्यमंत्र्यांच्यावर निशाणा साधला आहे. बोलणं आणि बरळण यातला फरक समजून घ्यायचा असेल तर मुख्यमंत्र्यांचे भाषण जरूर ऐकत जा असा टोमणा ट्विट करत हाणला.

कोरोनाच्या (Corona) लाटेत मुख्यमंत्र्यांना मानेचे दुखणे उध्दभवले यानंतर त्यांना महाराष्ट्रात कोठेही जाता आले नाही. मात्र, आता लवकरच महाराष्ट्राच्या कानाकोपऱ्यात फिरणार असल्याचे त्यांनी स्पष्ट केले. यावर भाजप नेत्यांनी टीका करण्यास सुरुवात केली. अतुल भातळकर यांनी उद्धव ठाकरे यांच्यावर निशाणा साधताना म्हणाले, येत्या काही दिवसात मी महाराष्ट्राच्या कानाकोपऱ्यात दिसेन असे मुख्यमंत्री म्हणाले आहेत.तसे आताही फेसबुक लाईव्ह केलेत की तुम्ही ब्रह्मांडाच्या कानाकोपऱ्यात दिसता मग फिरायची काय गरज असा प्रश्न त्यांनी उपस्थित केला आहे.

शिवसेनेचे खासदार आणि जिल्हाप्रमुखांशी मुख्यमंत्र्यांनी संवाद साधला यावरून भातळकर म्हणाले, मुख्यमंत्री उद्धव ठाकरे यांनी पक्षाच्या खासदारांना संबोधित करताना आडून आडून पुन्हा धुणी भांडी करावी लागतील अशी भीती व्यक्त केली आहे. बोलणं आणि बरळण यातला फरक समजून घ्यायचा असेल तर मुख्यमंत्र्यांचे भाषण जरूर ऐका असेही ते म्हणाले.