निवडणूक आयोगानं उद्धव ठाकरे गटाला मोठा धक्का दिला आहे. शिवसेना पक्षाचं नाव आणि धनुष्यबाण एकनाथ शिंदे यांना निवडणूक आयोगानं दिलं आहे. एकनाथ शिंदे यांनी 40 आमदारांना घेऊन शिवसेना बंड करत बाहेर पडले आणि भाजपसोबत जात नवं सरकार स्थापन केलं.

त्यानंतर एकनाथ शिंदे आणि उद्धव ठाकरे यांनी पक्षाच्या नावासाठी आणि चिन्हासाठी निवडणुक आयोगात धाव घतली त्यानंतर आज निकाल आला आहे.

निकाल येताच मनसे अध्यक्ष राज ठाकरे यांनी बाळासाहेब ठाकरे यांचा जुना व्हिडीओ ट्विट केला आहे. आणि कॅप्शन दिलं आहे की "बाळासाहेबांनी दिलेला ‘शिवसेना’ हा विचार किती अचूक होता ते आज पुन्हा एकदा कळलं"

तर व्हिडीओमध्ये बाळासाहेब म्हणत आहेत की, नाव आणि पैसा, पैसा येतो,पैसा जातो,पुन्हा येतो,पण एकदा का नाव गेलं कि परत येत नाही, ते येऊ शकत नाही काळ्या बाजारात सुध्दा मिळायचं नाही, म्हणून नावाला जपा, नाव मोठं करा.

त्यामुळे बाळासाहेबांच्या त्यावेळच्या वाक्यात भविष्यकाळ होता का असा प्रश्न आता उपस्थित होत आहे.