मुंबई : एसटी बस चालवताना चालक मोबाईलवरून बोलत असल्याचे अनेक व्हिडीओ समाज माध्यमांवर व्हायरल झाले असून, कारवाई करण्यात आली आहे. एसटी महामंडळाने यापूर्वीच बस चालक-वाहकांना मोबाईलबंदी केली असली, तरी त्याचे प्रमाण कमी झाले नसल्याचे दिसून येते. त्यामुळे पुन्हा एकदा एसटी महामंडळाने चालक-वाहकांना मोबाईलबंदीचे आदेश दिले आहेत. या आदेशाचे उल्लंघन झाल्यास कडक कारवाई केली जाणार आहे. 

धक्कादायक! विद्यार्थ्यांसाठी पिण्याच्या पाणी शौचालयातून

एसटी महामंडळातील चालक-वाहक प्रवासादरम्यान सर्रास मोबाईलचा वापर करतात. त्यामुळे प्रवाशांच्या जिवाला धोका निर्माण होतो. अनेकदा एसटी चालक बस चालवताना मोबाईलवर बोलत असल्याने अपघात घडले आहेत. अशा बेफिकीर चालकांचे व्हिडीओ व्हायरल झाले आहेत. त्यामुळे 1 ते 6 जानेवारीदरम्यान विशेष तपासणी करून मोबाईल सापडलेल्या दोषी चालक-वाहकांवर कारवाई करण्याचे आदेश एसटी महामंडळाचे वाहतूक उपमहाव्यवस्थापक संजय सुपेकर यांनी दिले आहेत. 

आदित्य ठाकरेंच्या टॅबमध्ये मेमरी कार्डच नाही! वाचा संपुर्ण बातमी

एसटी कर्मचाऱ्यांनी महामंडळाच्या या आदेशावर समाज माध्यमांवरून टीका केली आहे. मोबाईलबंदी आवश्‍यक आहे. त्याची अंमलबजावणी शुक्रवारपासून सुरू होणार आहे; मात्र वाहतूक विभागाने काढलेल्या अन्य परिपत्रकांचीही तत्काळ अंमलबजावणी करा, अशी मागणी केली जात आहे. 

एसटीच्या सवलती हव्या, तर स्मार्ट कार्ड हवेच! वाचा संपुर्ण बातमी

यांचेही पालन आवश्‍यक 
बसगाड्यांना एका तासापेक्षा अधिक उशीर होऊ नये, हॉर्न, इंडिकेटर, ब्रेक लाईट, सीट बेल्ट, स्वच्छता, वायपर, दोरखंड, ताडपत्री, हत्यारे, प्रथमोपचार पेटी, वाहकाकडील चार्ट, वेळेच्या अर्धा तास आधी चालकाला गाडी देणे, इशू व स्टार्ट पद्धतीचा वापर, पुढील टायर नवीन असणे, क्षमतेपेक्षा अधिक प्रवासी न घेणे असे वाहतूक विभागाचे आदेश आहेत. या आदेशांची काटेकोर अंमलबजावणी करण्याची मागणी समाज माध्यमांवर केली जात आहे. 

कर्तव्यावर असताना कर्मचारी मोबाईलचा वापर करत नाहीत. घरापासून दूर राहून काम करत असताना त्यांना संपर्कासाठी तसेच बस ब्रेकडाऊन झाल्यावर मोबाईलची आवश्‍यकता असते. कर्मचाऱ्यांच्या नियमबाह्य मोबाईल वापरावर बंदी घालत असताना उत्पन्नवाढीसाठी व कर्मचाऱ्यांच्या अडचणी दूर करण्यासाठी उपाययोजना केल्या पाहिजेत. 
- संदीप शिंदे, अध्यक्ष, राज्य एसटी कामगार संघटना