बारसू रिफायनरी प्रकल्पावरुन वाद चागंलाच चिघळला आहे.  आंदोलकांनी रोखण्यासाठी पोलिसांकडून अश्रुधुराच्या नळकांड्या फोडल्याची माहिती समोर आली आहे. यामुळे अनेक नागरिक जखमी झाले आहे. डोकं फुटलं तरी चालेल. आम्ही त्यांना काही देणार नाही. अशी भूमिका आंदोलनकर्त्यां महिलांनी घेतली आहे. (Barsu Refinery Latest Update Suffocated by tear gas )

आंदोलकांना थांबवण्यात आलं आहे पण हे आंदोलक जाण्यासाठी तयार नाहीत. कडक्याचं उन आहे. अनेकांची प्रकृती अस्वस्थ झाली आहे. काही आंदोलकांना पांगवण्यासाठी अश्रुधुराच्या नळकांड्या फोडल्या. त्यामुळे अनेकजण बेशुद्ध पडले आहेत.

रिफायनरी विरोधातील आंदोलनावर सध्या विरोधक ठाम आहेत. आज या माती परीक्षणाला जोरदार विरोध होऊ शकतो. ही सर्व शक्यता लक्षात घेता पोलिसांनी मोठ्या प्रमाणात पोलीस बंदोबस्त तैनात केला आहे. सध्या कोकणातल्या माळारानावर एका बाजूला विरोधक आणि दुसऱ्या बाजूला पोलीस आमनेसामने उभे टाकल्याचा चित्र उभे राहिलं आहे.

स्थानिकांचे संतप्त सवाल?

काय झालय ते बघा. हा धूर फेकल्यामुळे अनेजण बेशुद्ध पडले आहेत. चक्कर आली आहे. इथे कोणती सोय नाही. डॉक्टर नाही. आम्ही काय करायचं ते पहिला सांगा.

आमच्यावर लाठीहल्ला केला. धूर सोडल्यामुळे लोकांना त्रास झाला आहे. आम्ही काय चोरी करण्यासाठी इथे आलो आहे का? असा सवाल एका आंदोलकाने उपस्थित केला आहे.

४०० पेक्षा अधिक लोक आहेत. यामध्ये अधिक महिला आहेत. शांतेत सर्वांशी संवाद साधा. लोकांचा अंत पाहू नका. आमच्या जमिनी आम्ही कोणाला ही घेऊ देणार नाही.

मारलं तरी आम्ही मागे हटणार नाही. ७-८ बायकांना मारलं. आम्ही इथून हालणार नाही. डोकं फुटलं तरी चालेल. आम्ही त्यांना काही देणार नाही. आमचं आंदोलन आम्ही चालूच ठेवणार. अशी भूमिका आंदोलकांनी मांडली आहे.

मिळालेल्या माहितीनुसार, या प्रकल्पाच्या सर्वेक्षणाच्या कामाला सुरुवात झाली आहे. याला विरोध करत स्थानिकांनी आपलं आंदोलन तीव्र केलं. हे सर्वेक्षण बंद पाडण्यासाठी गावकरी विरोध करत आहेत. आंदोलनस्थळावर पोलिसांचा प्रचंड फौजफाटा तैनात करण्यात आला आहे. गावकऱ्यांनी बॅरिकेट्स तोडून पुढे जाण्याचा प्रयत्न केला. पोलीस परिस्थिती नियंत्रणात आणण्याचे प्रयत्न करत आहेत.