Sunil Tatkare News: शिंदे गटाचे आमदार आणि प्रतोद भरत गोगावले यांची रायगड जिल्ह्यात कोंडी करण्याचा डाव राष्ट्रवादी काँग्रेसने राबवल्याचे दिसत आहे. याचीच एक झलक म्हणून सार्वजनिक कार्यक्रमात शिंदे गटाचे भरत गोगावले यांच्यावर खासदार सुनील तटकरे यांच्याकडून सडकून टिका करण्यात येत आहे.

महाविकास आघाडीचे सरकारच्या काळात जिल्ह्याचा पालकमंत्री बदला, असा पवित्रा गोगावले यांनी घेतला होता. याचबरोबर काँग्रेस आणि भाजपनेही अशीच मागणी लावून धरली होती. यात महत्वाची भुमिका ही भरत गोगावले यांची होती.

याचीच सल राष्ट्रवादीचे खासदार सुनील तटकरे यांच्या मनात असावी. म्हणून राष्ट्रवादी काँग्रेसच्या जिल्ह्यातील नेत्यांनी गोगावले यांना लक्ष्य करण्याचे धोरण स्विकारले असल्याचे दिसून येत आहे. दरम्यान भरत गोगावले यांना सरकारमध्ये मंत्रीपद नदिल्याने नाराज असल्याच्या बातम्या येत होत्या.

तर विरोधी पक्ष नेते अजित पवार यांनी देखील मंत्री पदावरून हिवाळी आधिवेशनात टोला लगावला होता. ते म्हणाले होते. भरत गोगावले यांना एकदाचे मंत्री करा, नाहीतर त्यांनी शिवून घेतलेल्या सुटाला उंदीर लागतील. आणि त्यांच्या मंत्रीपदाच्या शपथविधीला मलाही बोलवा जगात कुठेही असला तरीही मी तेथे जाईन.

हेही वाचा-भारतीयांनी जगाला डिजिटल पेमेंट शिकवायची आलीये वेळ...