Congress Vs BJP: आसाम सरकारने भीमाशंकरचे सहावे ज्योतिर्लिंग पुण्यात नसून आसाममध्ये असल्याचा दावा एका जाहिरातीत केला आहे. काँग्रेसचे सचिन सावंत यांनी ही जाहिरात शेअर केली आहे. तसंच शिंदे फडणवीस सरकारने याबद्दलची भूमिका स्पष्ट करावी, अशी मागणीही केली आहे.

आपल्या ट्वीटमध्ये काँग्रेस नेते सचिन सावंत म्हणाले, "केवळ उद्योगच नव्हे तर आता भाजपला महाराष्ट्रातून भगवान शंकरांनाही हिसकावून न्यायचे आहे.

आता भाजपच्या आसाम सरकारचा दावा आहे की भीमाशंकरचे सहावे ज्योतिर्लिंग हे महाराष्ट्रातील पुणे जिल्ह्यात नसून आसाममध्ये आहे. या अत्यंत आगाऊपणाच्या दाव्याचा आम्ही जाहीर निषेध करतो."

सचिन सावंत पुढे म्हणाले, "शिंदे फडणवीस सरकारने तात्काळ भूमिका स्पष्ट करुन आसाममधील भाजप सरकारच्या या निंदनीय कृतीचा निषेध केला पाहिजे.

भाजपाने केवळ महाराष्ट्रातील 12 कोटी जनतेच्याच नव्हे तर तमाम भारतीयांच्या श्रद्धा, भावना दुखावल्या आहेत. भाजपाचा महाराष्ट्राबद्दलचा आकस सातत्याने दिसून येत आहे."