भंडारा सामुहिक बलात्कार प्रकरणी भंडारा पोलिसांनी मोठी कारवाई केली असून कर्तव्यात कसूर केल्याप्रकरणी एका पोलीस अधिकाऱ्यावर तर दोन कर्मचाऱ्यांवर निलंबनाची कारवाई करण्यात आली आहे. पोलिसांनी बारा तासांच्या आत मुख्य आरोपीला बेड्या घातल्याचा दावा पोलिसांकडून करण्यात आला आहे. पोलीस उपमहानिरिक्षक संदीप पाटील यांनी यासंदर्भातील अधिकृत माहिती दिली आहे. (Big action in Bhandara rape case a police officer two constables suspended)

डीआयजी पाटील म्हणाले, ही घटना घडल्यानंतर भंडारा पोलिसांनी मुख्य आरोपींवर १२ तासांच्या आत कारवाई केली आहे. यामध्ये एक मुद्दा समोर आला आहे की, रात्री पीडित महिला लाखणी पोलीस स्टेशनमध्ये आली होती. त्यावेळी नेमकं काय झालं? याची चौकशी भंडारा जिल्हा पोलीस प्रमुखांनी केली आहे. आज त्या अहवालानुसार एक पोलीस अधिकारी आणि दोन कर्मचाऱ्यांवर निलंबनाची कारवाई करण्यात आली आहे. पण यामध्ये त्यांची काय चूक होती हे अहवाल समोर आल्यानंतर कळेल.