पुणे : शिवप्रतिष्ठानचे संघटनेचे अध्यक्ष संभाजी भिडे यांनी एका महिला पत्रकाराला टिकली लाव मग तुझ्याशी बोलतो असं म्हटल्याने त्यांच्यावर जोरदार टीका करण्यात आली होती, त्यानंतर आता हा टिकलीचा वाद साडीपर्यंत पोहचल्याचे पाहायला मिळाले आहे. आता राष्ट्रवादीच्या खासदार सुप्रिया सुळे यांनी साडी नेसण्यावरून केलेल्या विधानाचा व्हिडिओ शेअर करत हल्ला चढवला आहे.

या व्हिडिओमध्ये सुप्रिया सुळे म्हणतायात की, 'मला खूप वेळा गंमत वाटते, चॅनलमधल्या मुली साडी का नाही हो नेसत? शर्ट आणि ट्राऊजर का घालतात? मराठी भाषा बोलताना? मग मराठी संस्कृतीसारखे कपडे आपण का नाही घालत? आपण सगळ्या गोष्टींचं वेस्टर्नायझेशन करतोय', हा व्हिडिओ चित्रा वाघ यांनी ट्विट केला आहे.

भाजप महिला प्रदेशाध्यक्ष चित्रा वाघ यांनी हा व्हिडिओ ट्विट केलं आहे आणि सोबत म्हटलं आहे की, 'टिकलीवर टीका करणारे साडीवर या नेत्यांना सोलणार का..? चला तुमची परीक्षा एकदा होऊन जाऊ द्या!'. चित्रा वाघ यांनी हा व्हिडिओ ट्विट केल्यानंतर आता टिकलीपाठोपाठ साडीवरून वाद पेटण्याची शक्यता आहे.