मुंबई : उद्धव ठाकरे म्हणतात, देवेंद्रजी हे शिवसैनिकच आहेत. मग त्यांनी देवेंद्रजींना शिवसेनेचा मुख्यमंत्री समजावे. ते स्वतः त्यांना शिवसैनिक समजतात. भाजप आज राज्यपालांना भेटणार असले तरी सत्तास्थापनेचा दावा करणार नाही, असे भाजप नेते सुधीर मुनगंटीवार असे म्हटले आहे.
भाजप आणि शिवसेनेमध्ये मुख्यमंत्रीपदावरून वाद सुरु असून, दोन्ही पक्ष मुख्यमंत्रीपदावर ठाम आहेत. आज या दोन्ही पक्षांच्या बैठका होणार असून, अंतिम निर्णय होण्याची शक्यता आहे. सुधीर मुनगंटीवर आणि चंद्रकांत पाटील हे आज दुपारी दोन वाजता राज्यपालंची भेट घेणार आहेत. त्यापूर्वी झालेल्या पत्रकार परिषदेत मुनगंटीवार यांची भाजपचाच मुख्यमंत्री होईल असे सांगितले.
मुनगंटीवार म्हणाले, की गडकरी राज्यात कधीच परत येणार नाहीत. शिवसेनेचे आमदार मजबूत आहेत. शिवसेनेचे आमदार कधीच फुटत नाहीत. उद्धवजी हे भाजप आणि शिवसेना सरकारचे मार्गदर्शक आहेत. राज्याला स्थिर सरकार देण्यासाठी आम्ही पाऊले उचलणार आहोत. त्यादृष्टीने आमची चर्चा झाली आहे. आज आम्ही राज्यपालांची भेट घेणार आहोत. शिवसेनेवर काही स्तरावर चर्चा सुरु आहे. शिवसेनेसोबतच स्थिर सरकार बनवावे अशी आमची इच्छा आहे. भाजपने आजपर्यंत वाट पाहिली आहे. राज्यपालांशी चर्चा करून सत्तास्थापनेबाबत निर्णय घेऊ. येणाऱ्या काही दिवसांत योग्य निर्णय होणार आहे. काँग्रेस आणि राष्ट्रवादीची विरोधात बसण्याची भूमिका आहे. भाजप अल्पमतातील सरकार बनविणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.