Maratha Reservation Protest: मराठा आंदोलक आणि गिरीश महाजन यांची चर्चा निष्फळ झाली आहे. महाजन यांनी मनोज जरांगे पाटील यांना एक महिन्याचा वेळ मागितला तर जरांगे पाटील यांनी दोन दिवसात निर्णय घेण्याचे सांगितले.

गिरीश महाजन म्हणाले, मी लाठीमार होण्यापूर्वी  याठिकाणी येणार होतो. मात्र थोडं मिस कम्युनिकेश झालं. त्यामुळे मी येऊ शकलो नाही. आपली मागणी न्याय आगे. समाजासाठी धरलेला आग्रह देखील मान्य आहे. तीन महिन्यात समिती नेमली होती. पण या समितीतील अधिकाऱ्यांची बदली झाली. यामध्ये नवीन अधिकारी आले. त्यामुळे थोडासा वेळ लागला. हे आम्ही मान्य करतो.

दोन दिवसात निर्णय घेतला तर याला कायद्याचा कोणताही आधार राहणार नाही. कायमस्वरुपी न्याय हवा असेल तर एक महिन्याचा वेळ द्या. या समितीला आपलं म्हणणं सांगावे लागले. दोन दिवसांचा आग्रह धरु नका. आम्ही चार वर्ष मेहनत केली. हायकोर्टात आरक्षण टिकल. सरकार गेलं त्यामुळे सुप्रीम कोर्टात आरक्षण टिकलं नाही, असे गिरीश महाजन म्हणाले.

आता आमची भूमिका न्याय देण्याची आहे. पण आम्हाला थोडा वेळ द्या. आपल्या तब्येतीची काळजी आम्हाला आहे. जीआर काढला तर एक दिवसाच्यावर कोर्टात टिकणार नाही. कुणबी समजून सामील करा, मागणी आहे. पण अस करता येणार नाही. सर्व नियमाणे करावे लागेल, असे गिरीश महाजन म्हणाले.  (Latest Marathi News)