आगामी निवडणुकांच्या पार्श्वभूमीवर शिंदे गट आणि भाजप यांच्यात वारंवार एका जागेवर दावा सांगितले जात असल्याचे समोर येत आहे. अशातच शिंदे गट आणि भाजपमध्ये लोकसभेच्या जागांवरून जुंपल्याचे दिसून येत आहे. शिंदे गटाचे नेते श्रीकांत शिंदे यांनी थेट खासदारकीचा राजीनामा देणार असल्याचं म्हंटलं होतं. त्यानंतरही भाजप-शिंदे गटातील कुरबुरी समोर येऊ लागल्या आहेत. याप्रकरणावर भाजपचे प्रदेशाध्यक्ष चंद्रशेखर बावनकुळे यांनी प्रतिक्रिया दिली आणि वादावर पडदा पडल्याचं मुख्यमंत्री एकनाथ शिंदे यांनी म्हटलं. (Latest Marathi News)

यानंतरही, दोन्ही पक्षातील कुरबुरी संपलेल्या दिसत नाही. भाजपने आधी कल्याण-डोंबिवली लोकसभा मतदारसंघावर दावा सांगितल्यानंतर आता ठाणे आणि पालघरवरही दावा सांगितला आहे. त्यामुळे शिंदे गटाची चांगलीच कोंडी निर्माण होण्याची शक्यता वर्तवली जात आहे.(Latest Marathi News)

भाजपचा काल ठाण्यात मेळावा होता. या मेळाव्याला भाजप नेते आणि मंत्री गिरीश महाजन उपस्थित होते. यावेळी भाजपचे आमदार संजय केळकर यांनीही कार्यकर्त्यांना मार्गदर्शन करताना गिरीश महाजन यांच्यासमोरच या लोकसभा मतदारसंघावर दावा सांगितला आहे. 2014मध्ये मोदींमुळे निवडून आलेले लोक आता ठाणे, पालघर आणि कल्याण-डोंबिवलीवर दावा करत आहेत. हे सर्वजण मोदी ट्रेनमध्ये बसूनच लोकसभेत निवडून गेले असं त्यांनी म्हंटलं आहे.(Latest Marathi News)

'आपल्या पक्षातील असोत किंवा दुसऱ्या पक्षातील, सर्वजण मोदी लाटेत निवडून आले होते. आता अनेक प्रकारचे दावे करत आहेत. मला आश्चर्य वाटतं. किवही वाटते. भाजपशिवाय या जिल्ह्यात कोणीही निवडून जाऊ शकणार नाही. ठाणे, कल्याण, पालघर हा जिल्हा भाजपचाच होता. कल्याण तर आहेच ठाणे लोकसभाही भाजपचीच आहे, असं संजय केळकर यांनी म्हंटलं आहे.(Latest Marathi News)