शिवसेनेच्या ठाकरे गटाचे प्रमुख उद्धव ठाकरे यांचे खायचे दात वेगळे आणि दाखवायचे वेगळे अशी टीका भाजप खासदार नवनीत राणा यांनी केली आहे. महिला मुख्यमंत्र्यांच्या व्यक्तव्यावरून नवनीत राणा यांनी निशाणा साधला आहे. उद्धव ठाकरे यांच्या मुखातून निघालेले शब्द पचत नाहीत असंही नवनीत राणा यांनी म्हंटलं आहे.

अमरावतीच्या खासदार नवनीत राणा बोलताना म्हणाल्या की, महिला मुख्यमंत्री नक्कीच व्हायला पाहिजे परंतु ज्या व्यक्तीने हे वक्तव्य केलं आहे ते त्यांच्या तोंडातून शोभत नाही. ते बोलले ते पचत नाही. ज्यांना स्वत: मुख्यमंत्री होण्याची हौस आहे ते कसं काय हे स्वप्न पाहू शकतात. आम्ही त्यांच्या या व्यक्तव्याला गांभीर्याने घेत नाही. पण जर राज्यात महिला मुख्यमंत्री झाल्या तर गर्वच होईल असंही राणा म्हणाल्या आहेत.

हे ही वाचा: आरामात फेडू शकाल अशीच घ्या कर्जे....

मुंबईत एका कार्यक्रमात शिवसेनेच्या ठाकरे गटाचे प्रमुख उद्धव ठाकरेंनी केलेल्या एका विधानाची चर्चा सध्या राजकीय वर्तुळात सुरू आहे. राज्याला पहिली महिला मुख्यमंत्री देणार असं विधान उद्धव ठाकरे यांनी मुंबईत कार्यक्रमावेळी केलं आहे. त्यांच्या या विधानामुळे राजकीय वर्तुळात तर्कवितर्कांना उधाण आलं आहे.

काल मुंबईत लहुजी वस्ताद साळे यांच्या 228 व्या जयंतीचा कार्यक्रम होता. या कार्यक्रमावेळी उद्धव ठाकरे यांची प्रमुख उपस्थिती होती. दरम्यान कार्यक्रमात भाषण करताना उद्धव ठाकरे यांनी कार्यकर्त्यांना प्रोत्साहन दिलं आहे. पुढे बोलताना उद्धव ठाकरे म्हणाले की, राज्याचं रक्षण करण्यासाठी आपण एकत्र येऊ. शिवशक्ती भीमशक्ती आणि लहू शक्ती एकत्र आली तर देशात एक मोठी ताकद आपण उभी करू शकतो. मी सध्या ते अनुभवतोय गद्दार आता मूठभरही राहिले नाहीत. पण निष्ठावान डोंगराएवढे आहेत. आपल्याला राज्यात पुन्हा सत्ता आणायची आहे. मुख्यमंत्रीपदी आपली व्यक्ती असेल. मग ती महिला असो किंवा पुरुष असंही ते बोलताना म्हणालेत.