मुंबई : भारतीय जनता पक्षाकडून माझ्याशी संपर्क सुरु असल्याचे शिवसेनाप्रमुख उद्धव ठाकरे यांनी म्हटले आहे. राष्ट्रवादी काँग्रेस, भाजप आणि काँग्रेस असे तीनही पक्ष माझ्या संपर्कात असल्याचे उद्धव ठाकरे यांनी म्हटले आहे. शिवसेनेचाच मुख्यमंत्री होणार असल्याचा पुनुरुच्चार ठाकरे यांनी केला आहे.

'सकाळ'चे मोबाईल ऍप डाऊनलोड करा

राज्यात राष्ट्रपती राजवट लागू झालेली असताना सत्ता स्थापनेबाबत तिढा हा वाढतच चाललेला असताना उद्धव यांनी तिन्ही पक्ष माझ्या संपर्कात असल्याचा दावा केल्याने आता नवीन चर्चांना उधाण आले आहे. आघाडीच्या बैठकीनंतर राष्ट्रवादी काँग्रेस पक्षाने काँग्रेसने थेट सत्तेत सहभागी व्हावे असे सुचित करताना शिवसेनेला सत्ता स्थापनेबाबत प्रस्ताव दिला होता. त्या प्रस्तावानंतर उद्धव यांनी केलेल्या वक्तव्यामुळे हा आघाडीवराज दबाव आणण्यासाठी केलेला प्रयत्न असल्याचे राजकीय विश्लेषकांचे म्हणणे आहे.

...तर काँग्रेस होणार सत्तेत सहभागी; पाच वर्षासाठी मिळणार 'हे' पद

मालाडच्या रिट्रीट हॉटेलमध्ये शिवसेना आमदारांची बैठक झाली. शिवसेना आमदारांना संबोधित करताना उद्धव यांनी असे म्हटले आहे. बैठकीत उद्धव यांनी शिवसेना आमदारांना काळजी करू नका शिवसेनेचाच मुख्यमंत्री होणार असल्याचा विश्वासही दिला असल्याचे सांगण्यात येत आहे. दरम्यान, राष्ट्रवादी काँग्रेसला आणि शिवसेनेला अडीच-अडीच वर्षे मुख्यमंत्रीपद हा प्रस्ताव राष्ट्रवादी आणि आघाडीकडूनही दिला असल्याचे बोलले जात आहे.

राष्ट्रवादी-शिवसेनेचं ठरलं; असा असेल फॉर्म्युला, काँग्रेसचंही समर्थन ! 

दरम्यान, उद्धव ठाकरे यांनी हॉटेल रिट्रीटमध्ये आमदारांसोबत 20 मिनिटे चर्चा केली.  अरविंद सावंत यांनी दिलेल्या राजीनाम्याचे कौतुकही केलं. तसेच आमदारांना संयम बाळगा, चिंता करण्याची गरज नसल्याचेही सांगितले. पुढच्या 3 ते 4 दिवसांत मी महाराष्ट्राच्या दौऱ्यावर निघणार असल्याचेही उद्धव यांनी सांगितले.