कोल्हापूर : माजी मुख्यमंत्री देवेंद्र फडणवीस यांनी जे ओबीसींना ते मराठ्यांना असे म्हणून ज्या सुविधा दिल्या होत्या त्या सुविधा सुरु कराव्या लागतील. मराठा आरक्षणाला दिलेली स्थिगिती उठवण्यात महाविकास आघाडी सरकारला अपयश आले आहे. त्याचा जाहीर निषधे करत भाजप प्रदेशाध्यक्ष चंद्रकात पाटील यांनी आज सरकारवर टिकेचे झोड उडवले. कोल्हापूर येथील श्री पाटील यांच्या निवासस्थानी झालेल्या पत्रकार परिषदेत ते बोलत होते. 

श्री पाटील म्हणाले, मराठा समाज आरक्षणातून तुर्त बाहेर पडला आहे. तो मागास आहे किंवा नाही असे द्विदा अवस्था सुरु झाली आहे. त्यामुळे, देवेंद्र फडणवीस सरकारने 642 अभ्यासक्रमातील विद्यार्थांची पन्नास टक्के शुल्क भरण्यासाठी दोन वर्षासाठी 700-700 कोटी रुपये खर्च केले. मेडिकल व इंजिनिअरिंगचे शुल्कही पन्नास टक्के भरले आहे. शेवटी आरक्षण म्हणजे काय तर राखीव कोट्यातून शैक्षणिक वर्षात ऍडमिशन मिळणे आहे. त्या ऍडमिशनसाठी पन्नास टक्के शुल्क आकारले जाते. हे सर्व फडणवीस सरकारने आरक्षण मिळण्याआधीच केले होते. त्यामुळे या सर्व मराठा विद्यार्थांचे ज्यांच्या पालकांचे उत्पन्न आठ लाखांपेक्षा कमी आहे. अशा सर्व विद्यार्थांना ओबीसींना ज्या सवलती दिल्या जातात त्या सर्व सवलती तात्काळ दिल्या पाहिजेत.

हेही वाचा- आमदार जयंत आसगावकर यांनी शाळा तपासणी आदेश रद्द करण्याची शिक्षणमंत्र्यांकडे केली मागणी -

तसेच त्या विद्यार्थांची पन्नास टक्के शैक्षणिक शुल्क सरकारने भरण्यास सुरुवात केली पाहिजे. तसेच महाविकास आघाडीला जो लोकप्रतिनिधी किंवा त्यांचा कार्यकर्ता वाटतो त्याला आण्णासाहेब आर्थिक विकास महामंडळावर नियुक्त करुन सुरु केले पाहिजे. महामंडळ प्रशासनावर सोडून चालणार नाही. प्रशासनामध्ये कोणालाही संवेदना नसते. जे आपली मुले आहेत. त्यांना नियमाच्या बाहेर जावून मदत केली पाहिजे.  

संपादन- अर्चना बनगे