मुंबई - नवी मुंबई महापालिकेत कमळ फुलवण्यासाठी भाजपने प्रदेश कार्यकारिणीचे अधिवेशन नवी मुंबईत आयोजित केले आहे. शनिवार (ता. १५) आणि रविवार (ता.१६) असे दोन दिवस अधिवेशन होणार आहे.
पहिल्या दिवशी राज्यातील भाजप आमदार, खासदार, महापौर, जिल्हाध्यक्ष आदींच्या बैठका होणार आहे तर दुसऱ्या दिवशी बूथ प्रमुखापासून ते सरपंच, नगराध्यक्ष यांच्या बैठका होणार आहे. या दोन दिवसांत नवी मुंबई महापालिकेच्या निवडणुकीची रणनीतीची चर्चा होणार आहे.
नवी मुंबई महानगरपालिका स्थापन झाल्यापासून मुळचे शिवसेनेचे नंतर राष्ट्रवादी काँग्रेसमध्ये गेलेले आणि सध्या भाजपमध्ये असलेले गणेश नाईक यांची नवी मुंबई महापालिकेवर सत्ता आहे.
राष्ट्रवादी काँग्रेस सोडून भाजपमध्ये प्रवेश करताना नाईक यांचे समर्थक नगरसेवक भाजपमध्ये गेले. भाजप नाईक यांच्या नेतृत्वाखाली नवी मुंबईत सत्ता काबीज करण्याचा प्रयत्न करीत आहे तर शिवसेना-राष्ट्रवादी काँग्रेस-काँग्रेस या तीन पक्षांची महाविकास आघाडी नवी मुंबई महापालिका लढणार आहे. त्यामुळे भाजपपुढे महाविकास आघाडीचे जबरदस्त आव्हान निर्माण झाल्याने निवडणुकीपूर्वी वातावरण तयार करण्यासाठी हे अधिवेशन नवी मुंबईत घेण्यात आल्याचे भाजपकडून सांगण्यात येते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.