मुंबई: पुढच्या महिन्यात ३१ ऑक्टोबर रोजी आरोग्य विभाग (Health dept) आणि (शिक्षक पात्रता परीक्षा) टीईटीची परीक्षा (TET Exam) एकत्र आल्या आहेत. या संदर्भात राज्याचे आरोग्य मंत्री (health minister) राजेश टोपे (rajesh tope) यांना प्रश्न विचारण्यात आला. त्यावर ते म्हणाले की, "मी याबाबत वर्षा गायकवाड यांच्याशी बोललो आहे. आरोग्य विभागाची परीक्षा तातडीची आहे, त्यामुळे त्यांनी टीईटी परीक्षेच्या तारखेबाबत विचार करावा अशी विनंती केली आहे"

"मार्ग काढू. मुलांचं नुकसान अजिबात होऊ नये. मी याबाबत शिक्षण संचालकांशीही बोलणार आहे. अजून एक महिना आहे, यातून मार्ग काढला जाईल, विद्यार्थ्यांचे नुकसान होणार नाही याची काळजी सरकार घेईल" असे राजेश टोपे म्हणाले.

न्यासाच्या मुद्यावर विचारलेल्या प्रश्नावर उत्तर देताना म्हणाले की, "कंपनी ब्लॅकलिस्टेट आहे किंवा नाहीय हा आरोग्य विभागाचा विषय नाही. हा आयटी खात्याचा विषय आहे" राज्यात चार ऑक्टोबरला शाळा तर ७ ऑक्टोबरला मंदिर सुरु होणार आहेत. त्यासंदर्भातील प्रश्नावर राजेश टोपे यांनी आरोग्य विभाग एसओपी देईल. खूप गर्दी होऊ नये आणि संक्रमणाची स्थिती निर्माण होऊ नये अशा पद्धतीची एसओपी असेल"

पावसाच्या मुद्यावर म्हणाले....

जूनपासून आतापर्यंत ३ ते ४ वेळा जोरदार पाऊस झाला. कालही जोरदार पाऊस झाला. जालना जिल्ह्यातील अनेक तालुक्यात जोरदार पाऊस झालाय. पंचनामे तातडीने करण्याचे आदेश दिलेत. ५ ते ७ दिवसात पंचनामे पूर्ण गेले जावेत अशा सूचना मदत व पुनर्वसन विभागाने दिले आहेत. कालच्या पावसात पिकाचे प्रचंड नुकसान झालं आहे.