मुंबई : यवतमाळमधील पांढरकवडा येथे "अवनी' वाघिणीची हत्या वन्यजीव कायदा मोडून करण्यात आल्याचा आरोप करत पर्यावरणवाद्यांनी या कारवाईचा तीव्र निषेध केला आहे. एका वाघिणीच्या हत्येसाठी 400 वन्य कर्मचारी, दोन हत्ती, श्वानांची मदत का घेतली जाते, असा प्रश्न पर्यावरण अभ्यासक शेखर नानजकर यांनी केला.
"अवनी'ला न मारता तिला जेरबंद करता आले असते. वन विभागाने वाघिणीला ठार करण्याच्या दृष्टीनेच कारवाई केली. राष्ट्रीय व्याघ्र संवर्धन प्राधिकरणाच्या नियमानुसार सूर्यास्तानंतर कोणत्याही वन्यप्राण्याला बेशुद्ध किंवा ठार करता येत नाही. त्यामुळे वाघिणीला ठार करण्यासाठीच हैदराबादचा नेमबाज शफात अली खान यांचा मुलगा असगर अली खान याची नियुक्ती केली होती. रात्रीच्या वेळी गोळीबार करणाऱ्या असगर अली याला वन विभागाच्या अधिकाऱ्यांनी का रोखले नाही, असा प्रश्नही नानजकर यांनी केला.
दोन बछडे अनाथ
सहा वर्षांच्या "अवनी'ची हत्या झाल्याने तिचे सहा ते आठ महिन्यांचे बछडे अनाथ झाले आहेत. "अवनी'ची हत्या म्हणजे या बछड्यांचीच हत्या झाल्यासारखे आहे. म्हणजेच वन विभागाने या कारवाईत एका नव्हे तर तीन वाघांची हत्या केल्याचा आरोपही नानजकर यांनी केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.