रत्नागिरी: कोकणात (kokan) झालेल्या अटकेमुळे (rane arrest) स्थगित झालेली केंद्रीय मंत्री नारायण राणे यांची जनआशिर्वाद यात्रा (narayan rane jan ashirwad yatra) पुन्हा सुरु झाली आहे. यात्रेच्या सुरुवातीला राणेंनी शिवसेनेवर (shivsena) टीका करायचं टाळलं होतं. पण नंतर त्यांनी त्यांच्या मूळ आक्रमक शैलीत शिवसेनेवर प्रहार केले. "उगाच दादागिरी करू नका, तुमचा पिंड नाही, वाट्याला जाऊ नका" असा इशारा नारायण राणेंनी दिला.

"घरात बसून नाही राहायचं आहे. आम्ही बघा फिरतो. घरात बसून, काही होत नाही. 39 वर्ष सोबत होतो, सगळं ठाऊक आहे. काय काय घडलंय, माझ्यावर बोलू नका. आता माजी म्हणताय, ते आजी आमदार होणार. आमच्या घराबाहेर कोणीतरी देसाई येतो, काय त्याचं नाव? वरूण सरदेसाई. त्याला अटक होत नाही, नातलग आहे, जमा करू देतो, एवढे पोलीस असले तरी मार खातो. आता आला तर परत जाणार नाही, त्याने परत येऊच दे. आता नाही सोडणार" असे नारायण राणे म्हणाले.

"छोट्यातल्या छोट्या व्यावसायिकाला कोट्यवधींच कर्ज मिळेल. आम्हाला विकासात्मक विधायक काम करायचं आहे. घरात बसून नाही राहायचय. आम्ही बघा फिरतो. घरात बसून, काही होत नाही. 39 वर्ष सोबत होतो, सगळं ठाऊक आहे काय काय घडलंय, माझ्यावर बोलू नका" असे राणे म्हणाले.