पुणे : कोकण, गोव्यातील काही ठिकाणी शनिवारी जोरदार पाऊस झाला. दरम्यान, येत्या ३० जूनपर्यंत कोकण, गोव्यासह विदर्भात विजांचा कडकडाट पावसाची शक्यता आहे. तसेच मध्य महाराष्ट्र आणि मराठवाड्यातील तुरळक ठिकाणी पावसाचा अंदाज हवामान विभागाने वर्तविला आहे.

पुणे शहरात शनिवारी अंशतः ढगाळ वातावरण होते. गेल्या काही दिवसांपासून शहरात पावसाचा जोर कमी झाला आहे. तसेच पुढील सहा दिवसात शहर व परिसरात ढगाळ वातावरणासह हलक्या पावसाची शक्यता आहे. देशातील बहुतांश भागांमध्ये पुढील सात ते आठ दिवस पावसाला ‘ब्रेक’ लागणार आहे. मात्र, त्यानंतर पुन्हा मोसमी पावसाला सुरुवात होण्याचा अंदाज आहे.