छत्रपती संभाजी नगरः छत्रपती संभाजी नगर येथील वैजापूरमध्ये काल मध्यरात्री पोलिसांवर हल्ला झाल्याची घटना घडली आहे. पोलिस भरतीतील आरोपींना पकडण्यासाठी पोलिस गेले असता त्यांच्यावर हल्ला झाला.
पोलिस भरतीमध्ये घोटाळा झाल्याच्या आरोपांवरुन सध्या चौकशी सुरु आहे. मुंबईतले दहीसर पोलिस काल छत्रपती संभाजीनगरमध्ये दाखल झाले होते. पोलिसांना दोन आरोपी वैजापूरमध्ये गेल्याचं कळलं. त्यानंतर पोलिस रात्री दीड ते दोन वाजता वैजापूरमध्ये गेले.
पोलिस वैजापूरमध्ये दाखल होताच त्यांनी दोघांना ताब्यात घेतलं. यावेळी उपस्थित गावकऱ्यांनी एकच आरडाओरड केली. त्यामुळे इतर गावकरी तिथे दाखल झाले. गावकऱ्यांनी पोलिसांवर जीवघेणा हल्ला केला. ३० ते ३५ जणांनी लाठ्या-काठ्यांनी हल्ला केली. उपस्थित गावकऱ्यांना पोलिस ठाण्यात फोन करुन बनावट पोलिस गावात आल्याचं सांगितलं.
गावकऱ्यांनी पोलिसांच्या ताब्यातून दोघांना सोडवलं. आज सकाळी खरा प्रकार समोर आलेला आहे. वैजापूरमध्ये गेलेले पोलिस मंबईतल्या दहीसर ठाण्याचे होते. पोलिस भरती घोटाळ्याचा तपास करण्यासाठी ते छत्रपती संभाजी नगरमध्ये दाखल झाले होते. याप्रकरणी आता १० जणांविरोधात गुन्हा दाखल झाला आहे. 'एबीपी माझा'ने यासंदर्भातील वृत्त दिले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.