छत्रपती संभाजी नगरः छत्रपती संभाजी नगर जिल्ह्यातील वैजापूर तालुक्यामध्ये विहिरीचं काम सुरु असतांना माती ढासळल्याची घटना घडली आहे. या मातीखाली तीन कामगार दबल्याची शक्यता वर्तवण्यात येतेय.

वैजापूर तालुक्यातील झोलेगावमध्ये ही घटना घडली आहे. या गावामध्ये विहिरीचं काम सुरु असतांना अचानक माती ढासळली. यामध्ये तीन कामगार मातीखाली दबल्याची माहिती येतेय. 'एबीपी माझा'ने यासंदर्भातील वृत्त दिले आहे.

दरम्यान घटनास्थळी बचाव पथक दाखल झालेलं असून कामगारांचा शोध घेण्याचं काम सुरु आहे. अद्याप प्रशासनाकडून याबाबत अधिकृत माहिती मिळालेली नाही.