मुंबईः मुख्यमंत्री एकनाथ शिंदे हे उद्या गुजरातला जाणार आहे. त्यांना गुजरातमधून विशेष निमंत्रण मिळालेलं आहे. गुजरातमध्ये निवडणूक निकालानंतर चित्र स्पष्ट झालेलं आहे. भाजपने ऐतिहासिक बहुमत मिळवल्यानंतर त्यांचा सत्तास्थपानेचा मार्ग मोकळा झाला आहे.

परवा हाती आलेल्या निकालामध्ये गुजरातमध्ये भाजपने १५६ जागांवर दणदणीत विजय मिळवला. तर काँग्रेस १७ आणि आप ५ जागांवर अडकून पडला आहे. तर इतरांच्या पदरात चार जागा पडल्या. त्यामुळे गुजरातमध्ये भाजप दणक्यात सत्तास्थापन करत आहे.

हेही वाचाः Credit Score: असा वाढवा तुमचा ‘क्रेडिट स्कोअर’

उद्या गुजरातमध्ये शपथविधी सोहळा आयोजित करण्यात आलेला आहे. भूपेंद्र पटेल हे मुख्यमंत्रीपदाची शपथ घेतील. या भव्यदिव्य शपथविधी सोहळ्यासाठी महाराष्ट्राचे मुख्यमंत्री एकनाथ शिंदे यांनाही निमंत्रण मिळालेलं आहे. 'बाळासाहेबांची शिवसेना' हा आता एनडीएनचा घटकपक्ष आहे. त्यामुळे शिंदे विशेष निमंत्रित आहेत. या सोहळ्यासाठी एकनाथ शिंदे गुजरातला जाणार आहेत.