मुंबईः कृषिमंत्री अब्दुल सत्तार यांनी राष्ट्रवादी काँग्रेसच्या नेत्या सुप्रिया सुळे यांच्यावर आक्षेपार्ह शब्दांत टीका केली. यानंतर राज्याचं राजकारण ढवळून निघालं आहे. भाजप नेत्या चित्रा वाघ यांनी याप्रसंगी कंगना रणौत यांच्यावर झालेल्यी टीकेची आठवण करुन दिली आहे.

चित्रा वाघ म्हणाल्या की, महिलांबद्दल अशी वक्तव्य करणं चुकीचं आहे. मुळात पन्नास खोक्यांच्या मुद्द्यावरुन हे भांडण सुरु झालं. तरीही ही महाराष्ट्राची संस्कृती नाही. परंतु महाविकास आघाडीच्या नेत्यांनी कंगना रणौतवरही खालच्या स्तरावर टीका केली होती. कंगनाला खालच्या शब्दांमध्ये हिणवण्यापर्यंत यांची मजल गेलेली, अशी आठवण चित्रा वाघ यांनी करुन दिली. त्या एका वृत्तवाहिनीशी बोलत होत्या. राष्ट्रवादी काँग्रेसचे आमदार अमोल मिटकरी यांनी वाघ यांना लाईव्हमध्येच प्रश्न विचारण्याचा प्रयत्न केला मात्र त्यांनी फोन कट केला.

हेही वाचा : का हवे विचारांचे नियम आणि वास्तविक भान !

कृषीमंत्री अब्दुल सत्तार यांनी राष्ट्रवादी काँग्रेसच्या नेत्या सुप्रीया सुळे यांच्यावर आक्षेपार्ह भाषेत टीका केली आहे. त्यांच्या या टीकेनंतर राष्ट्रवादी काँग्रेस आक्रमक झाली असून सत्तारांनी माफी मागावी, अन्यथा त्यांना महाराष्ट्रात फिरु देणार नाही, असा इशारा त्यांना देण्यात आला आहे.