राज्यासह सगळ्या देशाला हदरवून सोडलेल्या प्रा.अंकिता पिसुड्डे हिला भरचौकात पेट्रोल ओतून जाळल्याच्या प्रकरणात आज न्यायलयाने आरोपीस शिक्षा सुनावली. या प्रकरणात आज आरोपी विकेश ऊर्फ विक्की नगराळे याला जिल्हा व अतिरिक्त सत्र न्यायालयाने खुनाच्या गुन्ह्याखाली जन्मठेपेची शिक्षा सुनावली आहे. दरम्यान या प्रकरणात त्या नराधमास खरं तर फासावर लटकवायला हवं होतं अशी कठोर भूमिका भाजपच्या नेत्या चित्रा वाघ यांनी व्यक्त केली. (Hinganghat Burning Case Verdict)

वाघ यांनी ट्विट करत, हिंगणघाटच्या निर्भयाला जाळून मारणार्या नराधमाला जन्मठेपेची शिक्षा झालीये.. खरं तर अशा नराधमांना फासावरचं लटकवायला हवयं….माणसं नाहीतचं हे तर हैवान अशी प्रतिक्रीया दिली आहे. या प्रचंड गाजलेल्या प्रकरणाच्या निकालाकडे सर्वांचे लक्ष लागले होते.