पुणे - राज्यात गेल्या काही दिवसांपासून सातत्याने ढगाळ हवामान आहे. उत्तरेकडील थंड वाऱ्यांचा प्रभाव कमी झाल्याने किमान तापमानात सरासरीपेक्षा ५ ते ८ अंश सेल्सिअसने वाढ झाल्याने गारठा कमी झाला. राज्यात सर्वांत कमी तापमान १२.५ अंश सेल्सिअस नोंदले गेले. पुढील दोन दिवस संपूर्ण हवामान कोरडे राहणार असल्याचा अंदाज हवामान खात्याने वर्तविला.
राज्यात बुधवारी सकाळपासूनच असलेल्या ढगाळ हवामानामुळे उकाड्यातही वाढ झाली. शुक्रवारपर्यंत (ता. १४) ढगाळ हवामानासह तापमानातील वाढ कायम राहणार आहे, असे हवामान विभागातर्फे सांगण्यात आले.
विदर्भात पावसाने हजेरी लावल्यानंतर मराठवाडा, मध्य महाराष्ट्रातही ढगाळ हवामान झाले. तुरळक ठिकाणी पावसाचा शिडकावादेखील झाला. मात्र, याचवेळी विदर्भात गारठा वाढला. राज्याच्या उर्वरित भागात किमान तापमानात मोठी वाढ झाली. बुधवारी (ता. १२) सकाळी पुणे, नगर, मालेगाव, नाशिक, डहाणू, सांताक्रूझ, औरंगाबाद येथील तापमानात सरासरीपेक्षा पाच अंश सेल्सिअसपेक्षा अधिक वाढ झाली. विदर्भातही तापमानात वाढ झाली असली, तरी किमान तापमानाचा पारा सरासरीच्या खाली नोंदला गेला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.