मुंबई : सोमवारी २२ जानेवारीला अयोध्येत रामलल्लाचा प्राणप्रतिष्ठा सोहळा पार पडणार आहे. पण या सोहळ्याला मुख्यमंत्री एकनाथ शिंदे हजेरी लावणार नाहीत. पण असा निर्णय त्यांनी का घेतला आणि नंतर कधी राम मंदिराला भेट देणार याबाबत त्यांनी ट्विट करुन माहिती दिली आहे. (CM Eknath Shinde will not go to Ayodhya on January 22 What exactly happened need to know)

मुख्यमंत्र्यांनी ट्विट केलंय की, "पंतप्रधान नरेंद्र मोदी यांच्या सक्षम आणि दयाळू नेतृत्वाखाली अब्जावधी भारतीयांचे, रामभक्तांचे तसेच हिंदुहृदयसम्राट बाळासाहेब ठाकरे यांचे स्वप्न साकार झाले आहे. 22 जानेवारी 2024 रोजी प्रभू श्रीरामाच्या भव्य मंदिराचा अभिषेक केला जाईल. मी महाराष्ट्रातील जनतेच्यावतीने पंतप्रधान मोदींचे मनापासून आभार मानतो. (Latest Marathi News)

या ऐतिहासिक आणि नेत्रदीपक कार्यक्रमासाठी आम्हाला आमंत्रित केले आहे. माझ्यासोबत उपमुख्यमंत्री देवेंद्र फडणवीस आणि अजितदादा पवार असतील. संपूर्ण राज्य मंत्रिमंडळ, खासदार, आमदार, लोकप्रतिनिधी आणि राज्यातील रामभक्तांना सोबत घेऊन भगवान श्रीरामाचं दिव्य दर्शन घेण्याचं आम्ही ठरवलं आहे. अयोध्येत दर्शनाची तारीख आणि वेळ लवकरच ठरवू!

मुख्यमंत्र्यांनी या ट्विटमध्ये मुख्यमंत्र्यांनी "अयोध्येत दर्शनाची तारीख आणि वेळ लवकरच ठरवू" असं म्हटल्यानं ते २२ तारखेला अयोध्येला जाणार नसल्याचं सुचित होत आहे. पण नंतर आपल्या संपूर्ण मंत्रिमंडळासोबत कधी भेट देतील हे मात्र स्पष्ट केलेलं नाही.