मुंबईः आमदार धनंजय मुंडे यांच्या गाडीला काही दिवसांपूर्वी अपघात झाला होता. मुंबईत त्यांच्यावर उपचार सुरु आहेत. आज राज्याचे मुख्यमंत्री एकनाथ शिंदे यांनी धनंजय मुंडे यांची भेट घेऊन प्रकृतीची चौकशी केली.
परळीतील आझाद चौकात 3 तारखेला धनंजय मुंडे यांच्या गाडीला अपघात झाला होता. रात्री सुमारे पावणे तीन वाजण्याच्या दरम्यान झालेल्या अपघातात त्यांच्या छातीला किरकोळ मार लागला. चालकाचा गाडीवरील ताबा सुटल्याने हा अपघात झाल्याचं सांगितलं गेलं.
सुरुवातीला परळीत उपचार करण्यात आले. त्यानंतर लातूरला आणि आता मुंबईतल्या ब्रिच कँडी रुग्णालयात धनंजय यांच्यावर उपचार सुरु आहेत. त्यांना एअर अॅम्ब्युलन्सने मुंबईला हलवण्यात आलेलं होतं. सध्या धनंजय मुंडे यांची प्रकृती ठीक असून मुख्यमंत्र्यांनी आज सायंकाळी त्यांची भेट घेतली.
मुंबईतील ब्रीच कॅण्डी रुग्णालयात जाऊन मुख्यमंत्री एकनाथ शिंदे यांनी धनंजय मुंडे यांच्या प्रकृतीची चौकशी करुन त्यांच्याशी गप्पा मारल्या. धनंजय मुंडे यांच्यावर सुरू असलेल्या उपचारांची माहिती त्यांनी डॉक्टरांकडून जाणून घेतली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.