मुंबई : मुख्यमंत्री एकनाथ शिंदे यांनी जुगारी आणि घोटाळेबाज आरोपीची त्याच्या घरी जाऊन भेट घेतल्याचा गंभीर आरोप राष्ट्रवादी काँग्रेसचे नेते जितेंद्र आव्हाड यांनी केला आहे. या भेटीचे काही फोटो देखील त्यांनी पोस्ट केले आहेत. तसेच या फोटोंवरुन त्यांनी शिवसेनेच्या आमदार मनिषा कायंदे यांना यावर प्रश्न देखील विचारला आहे. (CM Eknath Shinde meets Chhota Rajan cooperation Parag Sanghavi Jitendra Awhad)

आव्हाडांनी काय केलंय ट्विट?

जितेंद्र आव्हाड यांनी ट्विट केलं आहे. यामध्ये ते म्हणतात, मुख्यमंत्री एकनाथ शिंदे यांनी घरकुल घोटाळ्यातील घोटाळेबाज आणि जुगारी पराग सिंघवी याच्या घरी पाच दिवसांपूर्वी भेट दिली. हा पराग संघवी अंडरवर्ल्ड डॉन छोटा राजनचा जवळचा सहकारी आहे. (Latest Marathi News)

या भेटीचे काही फोटोही त्यांनी पोस्ट केले आहेत. या फोटोंमध्ये मुख्यमंत्री संबंधित आरोपीशी चर्चा करताना दिसत आहेत.

नव्या आरोपांना तोंड फुटणार

दरम्यान, शिवसेनेच्या विधानपरिषदेच्या आमदार आणि प्रवक्त्या मनिषा कायंदे यांना आवाहन केलं की, त्यांनी याविषयावर बोलावं. त्यामुळं आव्हाडांच्या या नव्या आरोपांमुळं आता नव्या राजकीय वादाला तोंड फुटण्याची शक्यता आहे. (Marathi Tajya Batmya)