अजित पवार यांच्या महायुतीतील सामील झाल्यामुळे शिंदे गटात अस्वस्थता निर्माण झाली असल्याच्या चर्चा आहेत. अजित पवार सोबत आल्यामुळे शिंदे गटाच्या मंत्रिपदाला कात्री लागण्याची शक्यता आहे. त्यामुळे मुख्यमंत्री एकनाथ शिंदे हे आमदारांची नाराजी दूर करण्याच्या कामाला लागले आहेत. मुख्यमंत्र्यांनी आपले सर्व कार्यक्रम रद्द करून काल आमदार आणि खासदारांची बैठक बोलावली. (Latest Marathi News)
तर यावेळी बोलताना एकनाथ शिंदे यांनी पक्षातील सर्व आमदार आणि खासदारांचं म्हणणं ऐकून घेतलं. तसेच त्यांची समजूत काढण्याचा प्रयत्नही केला. अजित पवार यांच्या रुपाने आता शिंदे गटासमोर आव्हान निर्माण झालं आहे. लोकसभा आणि विधानसभा निवडणुकीत चांगली कामगिरी व्हावी म्हणून मुख्यमंत्री एकनाथ शिंदे आतापासूनच कामाला लागले आहेत. (Marathi Tajya Batmya)
तर यावेळी मुख्यमंत्री एकनाथ शिंदे यांनी बोलताना ठाकरे आणि पवार कुटुंबिय विरहित हे सरकार असल्याचं मत व्यक्त केलं आहे. येणाऱ्या विधानसभेच्या निवडणुकीत आपले 50 पैकी 50 उमेदवार जिंकून आणू त्या दृष्टीने काम करू. मागच्या वेळी देखील अजित पवार आणि त्यांची टीम भाजपच्या मागे लागली होती. पण त्यावेळी त्यांना प्राधान्य न देता आपल्याला प्राधान्य दिलं आहे. आपली युती विचारांची होती, मात्र, आता जे झालंय ते पॅालिटिकल अॅडजस्टमेंट असल्याचं मुख्यमंत्री एकनाथ शिंदे म्हणाले आहेत. हा निर्णय मला विश्वासात घेऊन घेतल्याचेही ते म्हणाले आहेत.(Latest Marathi News)
मुख्यमंत्री एकनाथ शिंदे यांनी काल आमदार आणि खासदारांची बैठक घेतली. यावेळी त्यांनी राजीनामा देणार असल्याचं वृत्त फेटाळून लावलं आहे. आपल्या राजीनाम्याच्या बातम्या कुणी पेरल्या याची आपल्याला माहिती आहे असंही एकनाथ शिंदे म्हणाले आहेत. (Marathi Tajya Batmya)
तसेच अजित पवार आल्याने आपल्या गटावर काही परिणाम होणार नाही. मुख्यमंत्री म्हणून मीच राहणार आहे. 2024नंतरही मीच मुख्यमंत्रीपदी असेल असं एकनाथ शिंदे यांनी आमदार आणि खासदारांना सांगितलं आहे.(Latest Marathi News)
दरम्यान, येत्या विधानसभा निवडणुकीत 50 आमदार निवडून आणण्याचं टार्गेट ठेवा, असंही मुख्यमंत्री एकनाथ शिंदे यांनी म्हंटलं आहे. तसेच 2024च्या लोकसभा निवडणुकीत राज्यात लोकसभेच्या 45 जागा निवडून आणण्याचं शिवसेना, भाजप आणि राष्ट्रवादीचं टार्गेट असल्याचंही म्हंटलं आहे. तसेच मंत्रिमंडळाचा विस्तार लवकरच करू, असं आश्वासनही त्यांनी यावेळी दिलं आहे. (Marathi Tajya Batmya)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.