मुंबई : वनमंत्री संजय राठोड यांनी आज माझ्याकडे मंत्रिपदाचा राजीनामा दिला. या प्रकरणाचा नि:पक्षपणे तपास व्हावा, अशी माझीही भूमिका आहे. याप्रकरणात कोणालाही पाठिशी घातलं जाणार नाही, असं मुख्यमंत्री उद्धव ठाकरे यांनी स्पष्ट केलं. पूजा चव्हाणच्या संशयास्पद मृत्यूनंतर जवळपास 20 दिवसांनंतर मंत्री राठोड यांनी आज राजीनामा दिला. याप्रकरणात मुख्यमंत्री उद्धव ठाकरे हे गप्प का? असा प्रश्न विरोधकांकडून केला जात होता. या प्रकरणावरून विरोधक गलिच्छ राजकारण करत आहेत, असं मत मुख्यमंत्री ठाकरे यांनी यावेळी व्यक्त केलं. 

- Breaking: शाळा-महाविद्यालये सुरु करण्याबाबत मोठा निर्णय​

काय म्हणाले मुख्यमंत्री ठाकरे?
- चौकशीत जे सत्यपुढे येईल ते स्वीकारलं जाईल.
- पूजा चव्हाण यांच्या कुटुंबियांचे पत्र, त्यांचा सरकारवर विश्वास
- दोषींवर कारवाई होणारच, तपास यंत्रणेवर विश्वास ठेवा.
- आपली सत्ता नाही म्हणून, विरोधकांनी महाराष्ट्राची बदनामी करू नका. 
- विरोधी पक्षनेत्यांच्या टीकेला अर्थ नाही, त्यांच्या टीकेची किव करावीशी वाटते.

वनखात्याचा कारभार माझ्याकडे
विधीमंडळ अधिवेशनात आता, वनखात्याची जबाबादारी कोणाकडे असेल? या प्रश्नावर उद्धव ठाकरे यांनी उत्तर दिले. ते म्हणाले, 'खात्याची जबाबदारी मी नेमून दिलेल्या व्यक्तीकडे असते. त्यामुळं अधिवेशनात वनखात्याशी संबंधित एखादा प्रश्न उपस्थित झाला, तर त्याला मी उत्तर देईन किंवा खात्याचे राज्यमंत्री उत्तर देतील.'

- पुण्याच्या बातम्या वाचण्यासाठी येथे ► क्लिक करा

(Edited by: Ashish N. Kadam)