Cold
Cold 
महाराष्ट्र

राज्यात थंडीची लाट कायम

सकाळवृत्तसेवा
मध्य महाराष्ट्रात येत्या दोन-तीन दिवसांत पावसाची शक्‍यता
पुणे - उत्तरेकडून येणाऱ्या वाऱ्यांमुळे राज्यात थंडीची लाट कायम आहे. रविवारी नगरमध्ये राज्यातील नीचांकी (4.9 अंश सेल्सिअस) तापमानाची नोंद झाली. मध्य महाराष्ट्रासह मराठवाड्यात तुरळक ठिकाणी सोमवार (ता.11) ते बुधवार (ता.13) दरम्यान पाऊस पडेल, असा अंदाज भारतीय हवामानशास्त्र विभागाने वर्तविला आहे.

मध्य महाराष्ट्रात ढगाळ वातावरण निर्माण होत असल्यामुळे आणि उत्तरेकडून येणाऱ्या थंड वाऱ्याचा प्रभाव कमी होऊ लागला आहे. यामुळे आगामी दिवसांत थंडी कमी होण्याची शक्‍यता आहे. दरम्यान, राज्यात रविवारही गारठा जाणवत होता. विदर्भाच्या काही भागांत कडाक्‍याच्या थंडीची लाट अद्यापही कायम आहे. तसेच, मध्य महाराष्ट्र व मराठवाड्यातदेखील दिवसभर गारठा जाणवला. राज्यात बहुतांश ठिकाणी किमान तापमानात सरासरीच्या तुलनेत तीन ते पाच अंश सेल्सिअसने घट झाल्याचे निदर्शनास आले. पुण्यासह नगर, जळगाव, मालेगाव, नाशिक, ब्रह्मपुरी, नागपूर येथे 8 अंश सेल्सिअसपेक्षा कमी तापमान नोंदविले गेले. पुण्यातही येत्या दोन ते तीन दिवस आकाश दुपारनंतर अंशत: ढगाळ राहील, असेही हवामानशास्त्र विभागाच्या सूत्रांनी सांगितले.

राज्यातील काही प्रमुख शहरांमधील किमान तापमान (अंश सेल्सिअसमध्ये) -
पुणे-6.2, नगर-4.9, महाबळेश्‍वर-12.2, नाशिक-5.0, सातारा-9.4, मुंबई-16.8, औरंगाबाद-8.4, परभणी आणि बीड-8.5, नागपूर-6.3, वर्धा-10.1

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Also Read

KKR vs DC : दिल्ली पॉईंट टेबलमध्ये मोठी उसळी घेणार की जेक फ्रेसर मॅर्कगर्कला केकेआर रोखणार?

CSK vs SRH IPL 2024 : चेन्नईनं पुन्हा जिंकला चेपॉकचा गड; हैदराबादची इतिहासातील सर्वात मोठी हार

Sambhajinagar : राज्यातील पहिल्या मोसंबी ग्रेडींग व्हॅक्सीन व कोल्ड स्टोरेज केंद्राचे काम पूर्णत्वाकडे

Share Market : शेअर बाजारातील किरकोळ गुंतवणूकदारांच्या संखेत वर्षात ४.०३ कोटींची वाढ; देशात 'हे' राज्य आघाडीवर

Pune Traffic Updates : पुणे विद्यापीठ चौकातील मेट्रोच्या कामानिमित्त वाहतुकीत बदल

SCROLL FOR NEXT