कॉंग्रेसचे नेते तसेच महाराष्ट्राचे माजी मुख्यमंत्री आणि सार्वजनिक बांधकाममंत्री अशोक चव्हाण यांना कोरोनाची लागण झाली आहे. यासंदर्भात त्यांनी त्यांच्या ट्वीटरवरुन माहीती दिली आहे. कॅबिनेटची बैठक सुरू असताना ते अचानक या बैठकीतून बाहेर पडले होते. त्यामुळे या चर्चांना उधाण आले होते. पण आता त्यांनीच ट्वीट करुन ही माहीती दिली आहे.

मागच्या दोनच दिवसांपूर्वी राष्ट्रवादी कॉंग्रेसचे अध्यक्ष शरद पवार यांना कोरोनाची लागण झाली होती. तसेच पुण्याचे महापौर मुरलीधर मोहोळ यांनाही कोरोनाची दुसऱ्यांदा लागण झाल्याची माहीती समोर आली आहे.

दरम्यान अनेक दिग्गज नेत्यांनी ट्वीट करत अशोक चव्हाण यांना काळजी घेण्याचे अवाहन केले आहे. नाना पटोले, धीरज देशमुख, बाळासाहेब थोरात यांनीसुद्धा ट्वीट करत काळजी घेण्याचे अवाहन करुन आजारातून लवकर बरे होण्यासाठी प्रार्थना केली आहे.