राष्ट्रवादीचे नेते अजित पवार हे भाजपसोबत जाणार असल्याच्या चर्चांनी राज्यातील राजकीय वातावरण काही दिवसांपूर्वी ढवळून निघाले.यानंतरएका मुलाखतीत अजित पवार यांनी राज्याचे मुख्यमंत्रीपदाची त्यांच्या इच्छा उघड बोलून दाखवली. दरम्यान यानंतर आता काँग्रेसचे प्रदेशाध्यक्ष नाना पटोले यांनी मोठं वक्तव्य केलं आहे.

नाना पटोले म्हणाले की, काँग्रेस लोकशाहीला मानणारा पक्ष आहे आणि आता कोणतीही निवडणूक नाही. जेव्हा निवडणुकी होतील, तेव्हा ज्या पक्षाला जास्त जागा मिळतील त्यांचा मुख्यमंत्री होईल. मला वाटतं की महाराष्ट्रात यावेळी देखील काँग्रेस पहिल्या क्रमांकाचा पक्ष बनेल. माझा दावा आहे की महाराष्ट्रात यावेळी देखील काँग्रेसचे जास्त आमदार निवडून येतील, असे म्हटले आहे.

अजित पवार मुख्यमंत्री होतील का?

नाना पटोले यांना सध्याच्या राजकीय परिस्थती पाहाता अजित पवा मुख्यमंत्री होऊ शकतील का असा प्रश्न विचारण्यात आला होता. या प्रश्नावर बोलताना नाना पटोले यांनी मोदी है तो मुमकिन है. राजकारणात काहीही होऊ शकतं. कोणी इथे मित्र नसतो आणि कुणीही शत्रू नसतो, असं सूचक वक्तव्य केलं आहे.