पुणे - कोरोना नियंत्रणासाठी सरकारने घालून दिलेल्या निर्बंधांचे काटेकोर पालन न केल्यास पुन्हा लॉकडाउनचा विचार करावा लागेल, असे स्पष्ट संकेत राज्याचे आरोग्य मंत्री राजेश टोपे यांनी सोमवारी पुण्यात दिले. मुख्यमंत्री उद्धव ठाकरे यांच्याशी कोरोनाच्या रुग्णवाढीबद्दल दूरध्वनीवरून चर्चा झाली. राज्यात दररोज २५ ते ३० हजार रुग्ण दिवसभरात आढळत आहेत. हीच संख्या जास्त दिवस अशीच राहिली तर हे योग्य होणार नाही. आपल्याला फार कडक पद्धतीने जावे लागेल. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

कोरोनाबाधितांचा आकडा नियंत्रित करण्यासाठी काही शहरांमध्ये किंवा संपूर्ण राज्यात लॉकडाउन करावे लागेल, अशी चर्चा मुख्यमंत्र्यांसोबत झाली आहे. याबाबत मंगळवारी (ता. २३) मुंबईत बैठक होणार आहे, असेही त्यांनी या वेळी सांगितले.

Edited By - Prashant Patil