विधीमंडळात बसवण्यात येणाऱ्या बाळासाहेब ठाकरेंच्या तैलचित्रावरून वाद पेटण्याची शक्यता आहे. बाळासाहेबांच्या तैलचित्रावरून ठाकरे गटाच्या आमदारांनी नाराजी व्यक्त केलीय. बाळासाहेबांची तैलचित्रे अजून चांगली बनवता आली असती, असं म्हणत ठाकरे गटाने तैलचित्रावर आक्षेप घेतलाय. याबाबत ठाकरे गटाचे आमदार सभापती, विधानसभा अध्यक्षांना पत्र लिहिणार असल्याची माहिती समोर आली आहे.

बाळासाहेब ठाकरे यांचं नाव राज्याच्या राजकारणासह देशभर घेतलं जात. राजकारणात अनेक महत्वाच्या घटनांमध्ये त्यांचा सहभाग होता. पण त्यांनी कधीही राज्याच्या राजकारणात सक्रिय सहभाग घेतला नाही. मात्र राजकारणातल्या त्यांच्या कार्याचा गौरव म्हणून त्याचं हे तैलचित्र विधीमंडळात लावण्यात येणार आहे.

हे ही वाचा : या महामार्गामुळं खरंच येईल 'समृद्धी'?

येत्या 23 जानेवारी रोजी बाळासाहेब ठाकरे यांच्या जयंतीच्या निमित्ताने विधीमंडळात बाळासाहेबांचे तैलचित्र लावण्यात येणार आहे. बाळासाहेब ठाकरे यांनी एकत्र बांधलेली शिवसेना 6 महिन्यांपूर्वी फुटली आणि शिवसेनेचे दोन गट निर्माण झाले. या दोन गटांमध्ये शिवसेना कोणाची यावरून जुंपली आहे. हा वाद सुप्रीम कोर्टामध्ये जाऊन पोहचला आहे.

तर या तैलचित्र बसवण्याच्या कार्यक्रमाला उद्धव ठाकरे, एकनाथ शिंदे आणि देवेंद्र फडणवीस एकत्रित दिसण्याची शक्यता होती.