जालना: तालुक्यातील उटवद येथील उपकेंद्राच्या भूमिपूजनासाठी निघालेल्या ऊर्जामंत्री नितीन राऊत (nitin raut) ताफ्याला भाजप पदाधिकारी, कार्यकर्त्यांकडून काळे झेंडे दाखवित, आरोग्यमंत्री तथा पालकमंत्री राजेश टोपे (rajesh tope) यांच्या विरोधात घोषणाबाजी केल्याचा प्रकार शनिवारी (ता.१२) घडला आहे.

नेर येथे १३२ केव्ही उपकेंद्राचे उपकेंद्राचे भूमिपुजन झाले होते. नेर येथील १३२ केव्हीचे उपकेंद्र उटवद येथे पळविण्याचा प्रयत्न पालमंत्री राजेश टोपे यांनी केल्याचा आरोप भाजप आमदार बबनराव लोणीकर केला आहे. दरम्यान उटवद येथील उपक्रेंद्रचे भूमिपुजन ऊर्जामंत्री नितीन राऊत, आरोग्यमंत्री तथा पालकमंत्री राजेश टोपे हे शनिवारी (ता.१२) यांच्या हस्ते झाले.

मात्र, नेर येथील उपक्रेंदाचे काम उटवद येथे पळविल्याचा आरोप करत उटवद येथे उपकेंद्रांच्या भूमिपुजनासाठी निघालेल्या उर्जामंत्री नितीन राऊत यांचा भाजप पदाधिकारी, कार्यकर्त्यांनी शनिवारी (ता.१२) उटवद फाटा येथे ताफा अडवून काळे झोंडे दाखविले. मात्र, भाजप कार्यकर्त्यांनी आरोग्यमंत्री तथा पालकमंत्री राजेश टोपे यांच्या विरोधात घोषाणाबाजी केली.