मुंबई - येत्या रविवारी (ता. २१) होणाऱ्या कंकणाकृती सूर्यग्रहणानंतर कोरोनाचा प्रभाव कमी होईल किंवा संपेल, असे संदेश समाज माध्यमांवर फिरत आहेत. सूर्यग्रहण हा नैसर्गिक आविष्कार असून, त्याचा कोरोनाशी कसलाही संबंध नसल्याचे खगोल अभ्यासक दा. कृ. सोमण यांनी स्पष्ट केले. 

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

भारतात २१ जूनला सकाळी ९.५८ वा भुज येथे खंडग्रास ग्रहणाने कंकणाकृती सूर्यग्रहणाची सुरुवात होईल व दिब्रुगड येथे दुपारी २.२९ वाजता ते समाप्त होईल. कंकणाकृती ग्रहणाची सुरुवात भारताच्या पश्‍चिमेला घेरसाणा शहरात होईल. मुंबईत सकाळी १० ते ११.३७ या वेळेत ग्रहण दिसणार आहे. भारताच्या पश्‍चिम भागातूनच ते ग्रहण दिसेल, अशी माहिती अरविंद परांजपे यांनी दिली.