Corona Latest Update : देशात कोरोना रुग्णांची संख्या दिवसेंदिवस वाढताना दिसत आहेत, यादरम्यान कोरोनाचा नवा सब व्हेरियंट जेएन.१ चे रुग्ण वेगवेगळ्या ठिकाणी सापडत असल्याने चिंता वाढली आहे. यादरम्यान ठाण्यात जेएन.१ व्हेरियंटचे एकाच दिवशी पाच नवीन रुग्ण आढळल्याने खळबळ उडाली आहे. यामध्ये ४ पुरूष आणि एका महिलेचा समावेश आहे.

महत्वाची बाब म्हणजे , रविवारी दिवसभरात राज्यातजेएन.१ विषाणूचे तब्बल ९ रुग्ण आढळून आले आहेत. नव्या बाधित रुग्णांमध्ये ठाणे महापालिका हद्दीत ५, पुणे महापालिका हद्दीत ०२, पुणे जिल्हा आणि अकोला महापालिका हद्दीत प्रत्येकी १ रुग्णाची नोंद झाली. धक्कादायक बाब म्हणजे यापैकी ८ आठ रुग्णांनी कोरोना लशीचे दोन्ही डोस घेतले आहेत.

दरम्यान आढळलेल्या रुग्णांना क्वारंटाईन करण्यात आलं असून सगळ्यांमध्ये जेएन.१ व्हेरिएंटचे तीव्र लक्षणं नसून त्यांच्यावर उपचार सुरु आहे. त्यांची प्रकृतीत देखील सुधारणा होत असल्याचं राज्याचे आरोग्य विभागाकडून सांगण्यात आलं आहे. देशात कोरोनाच्या नवीन जेएन.१ व्हेरिएंटचा पहिला रुग्ण केरळमध्ये आढळून आला होता. तर राज्यात याचा पहिला रुग्ण सिंधुदूर्ग जिल्ह्यात आढळून आला होता. मात्र आता ठाणे आणि पुणे शहरात देखील या नवीन व्हेरिएंटचे रुग्ण आढणल्याने प्रशासन अलर्ट मोडवर आहे.

राज्यात वाढत चाललेल्या कोरोनाच्या रुग्णांमुले शहरातील कोरोना तपासण्या वाढवण्यात येत आहेत. तसेच सर्दी, खोकला, घसादुखी, ताप यासारखी लक्षणे दिसल्यास नागरिकांनी डॉक्टरांचा सल्ला घ्या, असं आवाहन प्रशासनाच्या वतीने करण्यात आलं आहे.