मुंबई : राज्यात मृत्यूचा आकडा शुक्रवारच्या तुलनेत कमी झाला असून आज 126 रुग्ण दगावले. शुक्रवारी 170 रुग्ण दगावले होते. राज्यातील मृत्यूदर 2.12 टक्क्यांवर पोहोचला आहे. तर मृतांचा एकूण आकडा 1,37,226 इतका झाला आहे. नागपूर मंडळात एकाही मृत्यूची नोंद झाली नाही. तर पुणे मंडळात मृत्यूचा झाला असून तेथे 59 मृत्यूची नोंद झाली. ठाणे 17,नाशिक 18,कोल्हापूर 28, औरंगाबाद 1,लातूर 2 मृत्यू नोंदवले गेले. 

राज्यातील रुग्णासंख्येय काहीशी वाढ झाली असून आज दिवसभरात 4,831 नवीन रुग्णांची नोंद झाली. करोना बाधित रुग्णांची एकूण संख्या 64,52,273 झाली आहे.राज्यात ऍक्टिव्ह रुग्णांची संख्या काहीशी वाढून 51,821 इतकी झाली. तर आज दिवसभरात बरे होणाऱ्यांची संख्या वाढली असून आज 4,455 रुग्ण बरे होऊन घरी गेले. कोरोनातून बरे होणाऱ्या रुग्णांची संख्या 62,59,906 इतकी आहे. राज्यातील रुग्ण बरे होण्याचे प्रमाण वाढून 97.02 % एवढे झाले आहे. आजपर्यंत तपासण्यात आलेल्या 5,34,56,403 प्रयोगशाळा नमुन्यांपैकी 64,52,273 (12.07 %) नमुने पॉझिटिव्ह आले आहेत. सध्या राज्यात 2,92,530 व्यक्ती होमक्वारंटाईनमध्ये आहेत तर 2,357 व्यक्ती संस्थात्मक क्वारंटाईनमध्ये आहेत.