मुंबई : राज्यात दिवसभरात ९,८१२ नव्या कोरोना रुग्णांची नोंद झाली आहे. तर कालच्या तुलनेत रुग्णांच्या संख्येत काहीशी वाढ झाल्याने आणि बरे होण्याच्या रुग्णांच्या संख्येतही घट झाल्याने रिक्वव्हरी रेटमध्ये घट झाली आहे. राज्याच्या आरोग्यविभागानं ही माहिती दिली आहे. (Corona Update 9812 new patients added in the maharashtra in a day)

आरोग्यविभागाच्या माहितीनुसार, ज्यात आज ९,८१२ कोरोनाबाधीत रुग्णांची वाढ झाली तर नवीन ८,७५२ कोरोनाबाधित रुग्ण बरे झाले आहेत. त्यामुळे राज्यात आजवर एकूण ५७,८१,५५१ रुग्ण बरे होऊन दवाखान्यातून घरी पाठविण्यात आले आहेत. सध्या राज्यात एकूण १,२१,२५१ अॅक्टिव्ह रुग्ण आहेत. राज्यातील रुग्ण बरे होण्याचं प्रमाण आता ९५.९३ टक्के झाले आहे.

दरम्यान, मुंबईत चोवीस तासांत ६४८ कोरोनाबाधीत रुग्ण आढळले. तर १९१९ रुग्ण दिवसभरात बरे झाले आहेत. त्यामुळे आजवर मुंबईतील बरे झालेल्या एकूण रुग्णांची संख्या ६,९२,७८७ वर पोहोचली आहे. तसेच रिकव्हरी रेट ९६ टक्क्यांवर पोहोचला आहे. मुंबई शहरात सध्या ९१४८ कोरोनाचे सक्रिय रुग्ण आहेत. दरम्यान, रुग्ण दुपट्टीचा दर हा ७२३ दिवसांवर पोहोचला आहे.