Corona Update: राज्यात बुधवारी दिवसभरात ८७ कोरोना रुग्णांची नोंद झाली. राज्यातील बाधितांची एकूण संख्या ८१,७२,२८७ झाली आहे. मंगळवारी १४ रुग्ण बरे होऊन घरी गेले. राज्यात आजपर्यंत एकूण ८०,२३,४५६ रुग्ण बरे झाल्याचे सांगण्यात आले. राज्यातील रुग्ण बरे होण्याचे प्रमाण ९८.१८ टक्क्यांवर गेले आहे. मुंबईत १९ रुग्ण आढळले असून शहरातील रुग्णसंख्या ११,६४,१०८ झाली आहे.

दरम्यान, राज्यात ‘जेएन.१’ विषाणूच्या रुग्णाची नोंद बुधवारीही झालेली नसल्याचे सांगण्यात आले. तर, दोन कोरोना रुग्णांच्या मृत्यूची नोंद झाली. सध्या राज्यातील मृत्युदर १.८१ टक्के आहे.

आजपर्यंत तपासण्यात आलेल्या ८,७५,८०,७८९ प्रयोगशाळा नमुन्यांपैकी ८१,७२,२८७ (९.३३ टक्के) पॉझिटिव्ह आले आहेत. बुधवारी राज्यात १०,८६४ चाचण्या झाल्या. त्यांपैकी १९४९ आरटीपीसीआर आणि ८,९१५ आरएटी चाचणीची नोंद प्रयोगशाळेत करण्यात आली.

• आतापर्यंत सक्रिय रुग्ण : १९४

• गृहविलगीकरणातील रुग्ण : १६२ (८३.५%)

• रुग्णालयात दाखल रुग्ण : ३२ (१६.५%)

• आयसीयूमध्ये नसलेले रुग्ण : २५ (१२.९%)

• आयसीयूमध्ये असलेले रुग्ण : ०७ (३.६%)